न नू॒नमस्ति॒ नो श्वः कस्तद्वे॑द॒ यदद्भु॑तम् ।
अ॒न्यस्य॑ चि॒त्तम॒भि सं॑च॒रेण्य॑मु॒ताधी॑तं॒ वि न॑श्यति
na nūnamasti no śvaḥ kastadveda yadadbhutam |
anyasya cittamabhi saṃcareṇyamutādhītaṃ vi naśyati
Mandala 1
Sukta 170: Agastya and Indra at the altar
Rishi: १, ३, ४ इन्द्रः(४ अगस्त्यो वा) २, ५ अगस्त्यो मैत्रावरुणिः · Devata: इन्द्रः · Metre: बृहती, २-४ अनुष्टुप्, ५ त्रिष्टुप्
5 verses · 170 of 191
What happens in this chapter
Agastya and Indra at the altar
A short dialogue to Indra in brihati, anushtubh and trishtubh. Indra begins: there is nothing today, nothing tomorrow; who knows what is marvellous? The mind of another wavers. Agastya had meant his offering for the Maruts, and Indra is angered. Agastya pleads: why do you wish to strike us, Indra? The Maruts are your brothers; settle it with them, do not slay us in the strife. Indra asks why Agastya, a friend, passes him over. Then they agree: let the altar be prepared and the fire kindled, and they will spread the sacrifice together. Agastya ends: Indra, speak with the Maruts and eat the offerings in season.
किं न॑ इन्द्र जिघांससि॒ भ्रात॑रो म॒रुत॒स्तव॑ ।
तेभि॑ः कल्पस्व साधु॒या मा न॑ः स॒मर॑णे वधीः
kiṃ na indra jighāṃsasi bhrātaro marutastava |
tebhiḥ kalpasva sādhuyā mā naḥ samaraṇe vadhīḥ
किं नो॑ भ्रातरगस्त्य॒ सखा॒ सन्नति॑ मन्यसे ।
वि॒द्मा हि ते॒ यथा॒ मनो॒ऽस्मभ्य॒मिन्न दि॑त्ससि
kiṃ no bhrātaragastya sakhā sannati manyase |
vidmā hi te yathā mano'smabhyaminna ditsasi
अरं॑ कृण्वन्तु॒ वेदिं॒ सम॒ग्निमि॑न्धतां पु॒रः ।
तत्रा॒मृत॑स्य॒ चेत॑नं य॒ज्ञं ते॑ तनवावहै
araṃ kṛṇvantu vediṃ samagnimindhatāṃ puraḥ |
tatrāmṛtasya cetanaṃ yajñaṃ te tanavāvahai
त्वमी॑शिषे वसुपते॒ वसू॑नां॒ त्वं मि॒त्राणां॑ मित्रपते॒ धेष्ठ॑ः ।
इन्द्र॒ त्वं म॒रुद्भि॒ः सं व॑द॒स्वाध॒ प्राशा॑न ऋतु॒था ह॒वींषि॑
tvamīśiṣe vasupate vasūnāṃ tvaṃ mitrāṇāṃ mitrapate dheṣṭhaḥ |
indra tvaṃ marudbhiḥ saṃ vadasvādha prāśāna ṛtuthā havīṃṣi
Text source: Wikisource · CC BY-SA 4.0 (Wikisource transcription of a public-domain text)