विष्णो॒र्नु कं॑ वी॒र्या॑णि॒ प्र वो॑चं॒ यः पार्थि॑वानि विम॒मे रजां॑सि ।
यो अस्क॑भाय॒दुत्त॑रं स॒धस्थं॑ विचक्रमा॒णस्त्रे॒धोरु॑गा॒यः
viṣṇornu kaṃ vīryāṇi pra vocaṃ yaḥ pārthivāni vimame rajāṃsi |
yo askabhāyaduttaraṃ sadhasthaṃ vicakramāṇastredhorugāyaḥ
Mandala 1
Sukta 154: Vishnu's three strides and highest step
Rishi: दीर्घतमा औचथ्यः · Devata: विष्णुः · Metre: त्रिष्टुप्
6 verses · 154 of 191
What happens in this chapter
Vishnu's three strides and highest step
Dirghatamas proclaims in trishtubh the mighty deeds of Vishnu, who measured out the earthly spaces and propped up the upper seat, striding wide in three steps. He is fearsome like a beast roaming the mountains, and all worlds dwell within his three strides. His three footprints are full of honey and never fail. He alone holds earth, heaven and all beings. The rishi longs to reach his dear abode where the god-seeking rejoice, for in Vishnu's highest step is a spring of madhu. This is the sukta of Urukrama, the wide-strider, behind the Vamana katha and the Vaishnava paramam padam.
प्र तद्विष्णु॑ः स्तवते वी॒र्ये॑ण मृ॒गो न भी॒मः कु॑च॒रो गि॑रि॒ष्ठाः ।
यस्यो॒रुषु॑ त्रि॒षु वि॒क्रम॑णेष्वधिक्षि॒यन्ति॒ भुव॑नानि॒ विश्वा॑
pra tadviṣṇuḥ stavate vīryeṇa mṛgo na bhīmaḥ kucaro giriṣṭhāḥ |
yasyoruṣu triṣu vikramaṇeṣvadhikṣiyanti bhuvanāni viśvā
प्र विष्ण॑वे शू॒षमे॑तु॒ मन्म॑ गिरि॒क्षित॑ उरुगा॒याय॒ वृष्णे॑ ।
य इ॒दं दी॒र्घं प्रय॑तं स॒धस्थ॒मेको॑ विम॒मे त्रि॒भिरित्प॒देभि॑ः
pra viṣṇave śūṣametu manma girikṣita urugāyāya vṛṣṇe |
ya idaṃ dīrghaṃ prayataṃ sadhasthameko vimame tribhiritpadebhiḥ
यस्य॒ त्री पू॒र्णा मधु॑ना प॒दान्यक्षी॑यमाणा स्व॒धया॒ मद॑न्ति ।
य उ॑ त्रि॒धातु॑ पृथि॒वीमु॒त द्यामेको॑ दा॒धार॒ भुव॑नानि॒ विश्वा॑
yasya trī pūrṇā madhunā padānyakṣīyamāṇā svadhayā madanti |
ya u tridhātu pṛthivīmuta dyāmeko dādhāra bhuvanāni viśvā
तद॑स्य प्रि॒यम॒भि पाथो॑ अश्यां॒ नरो॒ यत्र॑ देव॒यवो॒ मद॑न्ति ।
उ॒रु॒क्र॒मस्य॒ स हि बन्धु॑रि॒त्था विष्णो॑ः प॒दे प॑र॒मे मध्व॒ उत्स॑ः
tadasya priyamabhi pātho aśyāṃ naro yatra devayavo madanti |
urukramasya sa hi bandhuritthā viṣṇoḥ pade parame madhva utsaḥ
ता वां॒ वास्तू॑न्युश्मसि॒ गम॑ध्यै॒ यत्र॒ गावो॒ भूरि॑शृङ्गा अ॒यास॑ः ।
अत्राह॒ तदु॑रुगा॒यस्य॒ वृष्ण॑ः पर॒मं प॒दमव॑ भाति॒ भूरि॑
tā vāṃ vāstūnyuśmasi gamadhyai yatra gāvo bhūriśṛṅgā ayāsaḥ |
atrāha tadurugāyasya vṛṣṇaḥ paramaṃ padamava bhāti bhūri
Text source: Wikisource · CC BY-SA 4.0 (Wikisource transcription of a public-domain text)