इन्द्र॒ सोमं॒ पिब॑ ऋ॒तुना त्वा॑ विश॒न्त्विन्द॑वः ।
म॒त्स॒रास॒स्तदो॑कसः
indra somaṃ piba ṛtunā tvā viśantvindavaḥ |
matsarāsastadokasaḥ
Mandala 1
Sukta 15: Soma drunk with the seasons
Rishi: मेधातिथिः काण्वः · Devata: (प्रतिदैवतं ऋतुसहितं) १ इन्द्रः, २ मरुतः, ३ त्वष्ट्रा, ४ अग्निः, ५ इन्द्रः, ६ मित्रावरुणौ, ७-१० द्रविणोदा, ११ अश्विनौ, १२ अग्निः · Metre: गायत्री
12 verses · 15 of 191
What happens in this chapter
Soma drunk with the seasons
Drink Soma, Indra, with the season: each verse of this gayatri sukta by Medhatithi Kanva ends with ritu, the season, because it belongs to the ritugraha cups of the Soma rite, each drunk by a god from a priest's vessel. Indra drinks, then the Maruts from the cup of the Potar, Tvashtar with the wives of the gods from the Neshtar's, Agni, Indra again from the Brahmana's cup, Mitra and Varuna. Four verses go to Dravinodas, the giver of wealth, asked to give the riches famed among the gods. The Ashvins drink honey, and Agni with the Garhapatya fire leads the yajna.
मरु॑त॒ः पिब॑त ऋ॒तुना॑ पो॒त्राद्य॒ज्ञं पु॑नीतन ।
यू॒यं हि ष्ठा सु॑दानवः
marutaḥ pibata ṛtunā potrādyajñaṃ punītana |
yūyaṃ hi ṣṭhā sudānavaḥ
अ॒भि य॒ज्ञं गृ॑णीहि नो॒ ग्नावो॒ नेष्ट॒ः पिब॑ ऋ॒तुना॑ ।
त्वं हि र॑त्न॒धा असि॑
abhi yajñaṃ gṛṇīhi no gnāvo neṣṭaḥ piba ṛtunā |
tvaṃ hi ratnadhā asi
अग्ने॑ दे॒वाँ इ॒हा व॑ह सा॒दया॒ योनि॑षु त्रि॒षु ।
परि॑ भूष॒ पिब॑ ऋ॒तुना॑
agne devām̐ ihā vaha sādayā yoniṣu triṣu |
pari bhūṣa piba ṛtunā
ब्राह्म॑णादिन्द्र॒ राध॑स॒ः पिबा॒ सोम॑मृ॒तूँरनु॑ ।
तवेद्धि स॒ख्यमस्तृ॑तम्
brāhmaṇādindra rādhasaḥ pibā somamṛtūm̐ranu |
taveddhi sakhyamastṛtam
यु॒वं दक्षं॑ धृतव्रत॒ मित्रा॑वरुण दू॒ळभ॑म् ।
ऋ॒तुना॑ य॒ज्ञमा॑शाथे
yuvaṃ dakṣaṃ dhṛtavrata mitrāvaruṇa dūḻabham |
ṛtunā yajñamāśāthe
द्र॒वि॒णो॒दा द्रवि॑णसो॒ ग्राव॑हस्तासो अध्व॒रे ।
य॒ज्ञेषु॑ दे॒वमी॑ळते
draviṇodā draviṇaso grāvahastāso adhvare |
yajñeṣu devamīḻate
द्र॒वि॒णो॒दा द॑दातु नो॒ वसू॑नि॒ यानि॑ शृण्वि॒रे ।
दे॒वेषु॒ ता व॑नामहे
draviṇodā dadātu no vasūni yāni śṛṇvire |
deveṣu tā vanāmahe
द्र॒वि॒णो॒दाः पि॑पीषति जु॒होत॒ प्र च॑ तिष्ठत ।
ने॒ष्ट्रादृ॒तुभि॑रिष्यत
draviṇodāḥ pipīṣati juhota pra ca tiṣṭhata |
neṣṭrādṛtubhiriṣyata
यत्त्वा॑ तु॒रीय॑मृ॒तुभि॒र्द्रवि॑णोदो॒ यजा॑महे ।
अध॑ स्मा नो द॒दिर्भ॑व
yattvā turīyamṛtubhirdraviṇodo yajāmahe |
adha smā no dadirbhava
अश्वि॑ना॒ पिब॑तं॒ मधु॒ दीद्य॑ग्नी शुचिव्रता ।
ऋ॒तुना॑ यज्ञवाहसा
aśvinā pibataṃ madhu dīdyagnī śucivratā |
ṛtunā yajñavāhasā
गार्ह॑पत्येन सन्त्य ऋ॒तुना॑ यज्ञ॒नीर॑सि ।
दे॒वान्दे॑वय॒ते य॑ज
gārhapatyena santya ṛtunā yajñanīrasi |
devāndevayate yaja
Text source: Wikisource · CC BY-SA 4.0 (Wikisource transcription of a public-domain text)