6 verses · 88 of 130
Kakbhushundi tells Garuda how his vision inside the child Rama ended. The Lord promised that Kala would never touch him and told him to remember and worship Him without a break. Bhushundi could not have enough of those words. The mind and ear know that joy, the eyes know the Lord's beauty, but the tongue cannot tell it. Then Rama became a child again. His eyes filled, his face grew cross, and he looked at his mother as if starving. She ran, nursed him in her lap and sang of his deeds. For this bliss, the doha says, Shiva took an inauspicious guise; whoever tastes a speck of it counts Brahman's joy as nothing.
कबहूँ काल न व्यापिहि तोही । सुमिरेसु भजेसु निरन्तर मोही ॥
प्रभु बचनामृत सुनि न अघाऊँ । तनु पुलकित मन अति हरषाऊँ ॥
kabahūm̐ kāla na vyāpihi tohī | sumiresu bhajesu nirantara mohī ||
prabhu bacanāmṛta suni na aghāūm̐ | tanu pulakita mana ati haraṣāūm̐ ||
सो सुख जानइ मन अरु काना । नहिं रसना पहिँ जाइ बखाना ॥
प्रभु सोभा सुख जानहिं नयना । कहि किमि सकहिँ तिन्हहिं नहिँ बयना ॥
so sukha jānai mana aru kānā | nahiṃ rasanā pahim̐ jāi bakhānā ||
prabhu sobhā sukha jānahiṃ nayanā | kahi kimi sakahim̐ tinhahiṃ nahim̐ bayanā ||
बहु बिधि मोहि प्रबोधि सुख देई । लगे करन सिसु कौतुक तेई ॥
सजल नयन कछु मुख करि रूखा । चितइ मातु लागी अति भूखा ॥
bahu bidhi mohi prabodhi sukha deī | lage karana sisu kautuka teī ||
sajala nayana kachu mukha kari rūkhā | citai mātu lāgī ati bhūkhā ||
देखि मातु आतुर उठि धाई । कहि मृदु बचन लिये उर लाई ॥
गोद राखि कराव पय पाना । रघुबर चरित ललित कर गाना ॥
dekhi mātu ātura uṭhi dhāī | kahi mṛdu bacana liye ura lāī ||
goda rākhi karāva paya pānā | raghubara carita lalita kara gānā ||
जेहि सुख लागि पुरारि, असुभ बेष कृत सिव सुखद ।
अवधपुरी नर नारि, तेहि सुख महँ सन्तत मगन ॥
jehi sukha lāgi purāri, asubha beṣa kṛta siva sukhada |
avadhapurī nara nāri, tehi sukha maham̐ santata magana ||
सोइ सुख लवलेस, जिन्ह बारक सपनेहुँ लहेउ ।
ते नहिँ गनहिँ खगेस, ब्रह्म-सुखहि सज्जन सुमति ॥
soi sukha lavalesa, jinha bāraka sapanehum̐ laheu |
te nahim̐ ganahim̐ khagesa, brahma-sukhahi sajjana sumati ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
