मिलहिँ न रघुपति बिनु अनुरागा । किये जोग तप ग्यान बिरागा ॥
उत्तर दिसि सुन्दर गिरि नीला । तहँ रह काकभुसुंडि सुसीला ॥
milahim̐ na raghupati binu anurāgā | kiye joga tapa gyāna birāgā ||
uttara disi sundara giri nīlā | taham̐ raha kākabhusuṃḍi susīlā ||
Uttara Kanda
Chapter 62: Shiva sends Garuda to Kakbhushundi
7 verses · 62 of 130
What happens in this chapter
Shiva sends Garuda to Kakbhushundi
Raghupati is not won without love, Bhagwan Shiva tells Garuda, whatever yoga, tapas, jnana or renunciation one practises. In the north is the lovely Blue Mountain where gentle Kakbhushundi lives, steady and supremely skilled in the path of bhakti, wise and ancient. He tells Rama's katha without pause while birds of many kinds listen. Go and hear it; the pain born of delusion will leave you. Shiva then tells Uma why he did not teach Garuda himself: by Rama's grace he saw the secret. Garuda had grown proud, and the Lord meant to remove it. Maya is mighty, Bhavani. If it deludes Shiva and Brahma, who is a poor creature to boast? Knowing this, munis worship the Lord of maya.
धीर भगति-पथ परम-प्रबीना । ज्ञानी गुन गृह बहु कालीना ॥
राम कथा सो कहइ निरन्तर । सादर सुनहिँ बिबिध बिहंगबर ॥
dhīra bhagati-patha parama-prabīnā | jñānī guna gṛha bahu kālīnā ||
rāma kathā so kahai nirantara | sādara sunahim̐ bibidha bihaṃgabara ||
जाइ सुनहु तहँ हरि गुन भूरी । होइहि मोह जनित दुख दूरी ॥
मैं जब तेहि सब कहाँ बुझाई । चलेउ हरषि मम पद सिर नाई ॥
jāi sunahu taham̐ hari guna bhūrī | hoihi moha janita dukha dūrī ||
maiṃ jaba tehi saba kahām̐ bujhāī | caleu haraṣi mama pada sira nāī ||
ताते उमा न मैं समुझावा । रघुपति कृपाँ मरमु मैं पावा ॥
होइहि कीन्ह कबहुँ अभिमाना । सो खौवै वह कृपानिधाना ॥
tāte umā na maiṃ samujhāvā | raghupati kṛpām̐ maramu maiṃ pāvā ||
hoihi kīnha kabahum̐ abhimānā | so khauvai vaha kṛpānidhānā ||
कछु तेहि ते पुनि मैं नहिँ राखा । समुझइ खग खगही के भाखा ॥
प्रभु माया बलवन्त भवानी । जाहि न मोह कवन अस ग्यानी ॥
kachu tehi te puni maiṃ nahim̐ rākhā | samujhai khaga khagahī ke bhākhā ||
prabhu māyā balavanta bhavānī | jāhi na moha kavana asa gyānī ||
ज्ञानी भगत-सिरोमनि, त्रिभुवनपति कर जान ।
ताहि मोह माया नर, पावँर कहि गुमान ॥
jñānī bhagata-siromani, tribhuvanapati kara jāna |
tāhi moha māyā nara, pāvam̐ra kahi gumāna ||
सिव बिरञ्चि कहँ मोहइ, को है बपुरा आन ।
अस जियँ जानि भजहिँ मुनि, माया पति भगवान ॥
siva birañci kaham̐ mohai, ko hai bapurā āna |
asa jiyam̐ jāni bhajahim̐ muni, māyā pati bhagavāna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0