सनकादिक विधि लोक सिधाए । भ्रातन्ह राम-चरन सिर नाए ॥
पूछत प्रभुहि सकल सकुचाहीं । चितवहिँ सब मारुत-सुत पाहीं ॥
sanakādika vidhi loka sidhāe | bhrātanha rāma-carana sira nāe ||
pūchata prabhuhi sakala sakucāhīṃ | citavahim̐ saba māruta-suta pāhīṃ ||
Uttara Kanda
Chapter 36: Bharata hesitates to ask a question
5 verses · 36 of 130
What happens in this chapter
Bharata hesitates to ask a question
The Sanakadi leave for Brahma's world, and the brothers bow at Rama's feet. They all wish to ask the Lord something but feel shy, and keep looking at Hanuman. They long to hear words from the Lord's own mouth that would clear every doubt. The Lord, who knows all hearts, asks, Hanuman, what is it? Hanuman folds his hands: merciful Bhagwan, Bharata wants to ask something but hesitates. You know my nature, Rama says; was there ever any difference between Bharata and me? Hearing this Bharata clasps his feet. Lord, remover of the suffering of those who bow to you, I have no doubt at all, not even in dreams any delusion or attachment. That is only by your grace, ocean of mercy and bliss.
सुनि चहहिँ प्रभु मुख कै बानी । जो सुनि होइ सकल भ्रम हानी ॥
अन्तरजामी प्रभु सब जाना । बूझत कहहु काह हनुमाना ॥
suni cahahim̐ prabhu mukha kai bānī | jo suni hoi sakala bhrama hānī ||
antarajāmī prabhu saba jānā | būjhata kahahu kāha hanumānā ||
जोरि पानि कह तब हनुमन्ता । सुनहु दीनदयाल भगवन्ता ॥
नाथ भरत कछु पूछन चहहीँ । प्रस्न करत मन सकुचत अहहीँ ॥
jori pāni kaha taba hanumantā | sunahu dīnadayāla bhagavantā ||
nātha bharata kachu pūchana cahahīm̐ | prasna karata mana sakucata ahahīm̐ ||
तुम्ह जानहु कपि मोर सुभाऊ । भरतहि मोहि कछु अन्तर काऊ ॥
सुनि प्रभु बचन भरत गहे चरना । सुनहु नाथ प्रनतारति हरना ॥
tumha jānahu kapi mora subhāū | bharatahi mohi kachu antara kāū ||
suni prabhu bacana bharata gahe caranā | sunahu nātha pranatārati haranā ||
नाथ न मोहि सन्देह कछु, सपनेहुँ लोक न मोह ।
केवल कृपा तुम्हारिहि, कृपानन्द-सन्दोह ॥
nātha na mohi sandeha kachu, sapanehum̐ loka na moha |
kevala kṛpā tumhārihi, kṛpānanda-sandoha ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0