अध्याय 36: भरत प्रश्न पूछने में सकुचाते हैं

सनकादिक विधि लोक सिधाए । भ्रातन्ह राम-चरन सिर नाए ॥
पूछत प्रभुहि सकल सकुचाहीं । चितवहिँ सब मारुत-सुत पाहीं ॥

sanakādika vidhi loka sidhāe | bhrātanha rāma-carana sira nāe ||
pūchata prabhuhi sakala sakucāhīṃ | citavahim̐ saba māruta-suta pāhīṃ ||

सुनि चहहिँ प्रभु मुख कै बानी । जो सुनि होइ सकल भ्रम हानी ॥
अन्तरजामी प्रभु सब जाना । बूझत कहहु काह हनुमाना ॥

suni cahahim̐ prabhu mukha kai bānī | jo suni hoi sakala bhrama hānī ||
antarajāmī prabhu saba jānā | būjhata kahahu kāha hanumānā ||

जोरि पानि कह तब हनुमन्ता । सुनहु दीनदयाल भगवन्ता ॥
नाथ भरत कछु पूछन चहहीँ । प्रस्न करत मन सकुचत अहहीँ ॥

jori pāni kaha taba hanumantā | sunahu dīnadayāla bhagavantā ||
nātha bharata kachu pūchana cahahīm̐ | prasna karata mana sakucata ahahīm̐ ||

तुम्ह जानहु कपि मोर सुभाऊ । भरतहि मोहि कछु अन्तर काऊ ॥
सुनि प्रभु बचन भरत गहे चरना । सुनहु नाथ प्रनतारति हरना ॥

tumha jānahu kapi mora subhāū | bharatahi mohi kachu antara kāū ||
suni prabhu bacana bharata gahe caranā | sunahu nātha pranatārati haranā ||