सुनु खगपति यह कथा पावनी । त्रिबिधि ताप भव भय दावनी ॥
महाराज कर सुभ अभिषेका । सुनत लहहिँ नर बिरति बिबेका ॥
sunu khagapati yaha kathā pāvanī | tribidhi tāpa bhava bhaya dāvanī ||
mahārāja kara subha abhiṣekā | sunata lahahim̐ nara birati bibekā ||
Uttara Kanda
Chapter 15: Fruit of hearing the coronation
6 verses · 15 of 130
What happens in this chapter
Fruit of hearing the coronation
Kakbhushundi tells Garuda that this katha of the coronation burns away the three sufferings and the fear of the world, and its hearers gain dispassion and discernment. Those who hear or sing it with worldly wishes gain happiness and wealth, enjoy here what even devas find rare, and at the end go to Raghupati's city. The freed, the detached and the worldly alike gain bhakti. He has told the katha as his own understanding allows; it is a good boat across the river of delusion. In Kosalpuri every day brings fresh festivity and love for Rama's feet grows new in everyone. The monkeys, lost in bliss, do not notice the days, and six months pass.
जे सकाम नर सुनहिँ जे गावहिं । सुख सम्पति नाना विधि पावहिँ ॥
सुर-दुर्लभ सुख करि जग माहीं । अन्तकाल रघुपति-पुर जाहीं ॥
je sakāma nara sunahim̐ je gāvahiṃ | sukha sampati nānā vidhi pāvahim̐ ||
sura-durlabha sukha kari jaga māhīṃ | antakāla raghupati-pura jāhīṃ ||
सुनहिँ बिमुक्त बिरत अरु बिषई । लहहिँ भगति गति सम्पति नई ॥
खगपति राम कथा मैं बरनी । स्वमति बिलास त्रास दुख हरनी ॥
sunahim̐ bimukta birata aru biṣaī | lahahim̐ bhagati gati sampati naī ||
khagapati rāma kathā maiṃ baranī | svamati bilāsa trāsa dukha haranī ||
बिरति बिबेक भगति दृढ़ करनी । मोह नदी कहँ सुन्दर तरनी ॥
नित नव मङ्गल कौसलपुरी । हरषित रहहिं लोग सब कुरी ॥
birati bibeka bhagati dṛr̤ha karanī | moha nadī kaham̐ sundara taranī ||
nita nava maṅgala kausalapurī | haraṣita rahahiṃ loga saba kurī ||
नित नइ प्रीति राम-पद-पङ्कज । सबकें जिन्हहि नमत सिव मुनि अज ॥
मङ्गन बहु प्रकार पहिराये । द्विजन्ह दान नाना विधि पाये ॥
nita nai prīti rāma-pada-paṅkaja | sabakeṃ jinhahi namata siva muni aja ||
maṅgana bahu prakāra pahirāye | dvijanha dāna nānā vidhi pāye ||
ब्रह्मानन्द मगन कपि, सब कें प्रभु-पद प्रीति ।
जात न जाने दिवस तिन्ह, गये मास षट बीति ॥
brahmānanda magana kapi, saba keṃ prabhu-pada prīti |
jāta na jāne divasa tinha, gaye māsa ṣaṭa bīti ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0