यह सुभ सम्भु-उमा सम्बादा । सुख सम्पादन समन बिषादा ॥
भव भञ्जन गञ्जन सन्देहा । जन रंजन सज्जन प्रिय एहा ॥
yaha subha sambhu-umā sambādā | sukha sampādana samana biṣādā ||
bhava bhañjana gañjana sandehā | jana raṃjana sajjana priya ehā ||
Uttara Kanda
Chapter 130: Tulsidas closes the Manas: only Rama saves
इति श्रीरामचरितमानसे सकलकलिकलुषविध्वंसने अविरल हरिभक्ति सम्पादनो नाम सप्तमः सोपानः समाप्तः ।
11 verses · 130 of 130
What happens in this chapter
Tulsidas closes the Manas: only Rama saves
The Shambhu-Uma dialogue ends, praised as ending sorrow and doubt, dearest of all to Rama's worshippers. Then Tulsidas speaks for himself. In this Kali age there is no other means, no yoga, yajna or vow: remember Rama, sing Rama, hear His virtues. Rama, purifier of the fallen, saved the courtesan, Ajamila, the vulture and the elephant; even great sinners are purified by saying His Name once. Those who hear or sing this deed reach Rama's abode without effort. By a speck of His grace even dull-witted Tulsidas found the highest rest. Be dear to me always, he prays, as a woman to the lustful and money to the greedy. Two Sanskrit shlokas close the Manas.
राम-उपासक जे जग माहीं । एहि सम प्रिय तिन्ह के कछु नाहीं ॥
रघुपति कृपाँ जथामति गावा । मैं यह पावन चरित सुहावा ॥
rāma-upāsaka je jaga māhīṃ | ehi sama priya tinha ke kachu nāhīṃ ||
raghupati kṛpām̐ jathāmati gāvā | maiṃ yaha pāvana carita suhāvā ||
एहिं कलिकाल न साधन दूजा । जोग जज्ञ जप तप ब्रत पूजा ॥
रामहि सुमिरिअ गाइअ रामहि । सन्तत सुनिय राम गुन-ग्रामहि ॥
ehiṃ kalikāla na sādhana dūjā | joga jajña japa tapa brata pūjā ||
rāmahi sumiria gāia rāmahi | santata suniya rāma guna-grāmahi ||
जासु पतित-पावन बड़ बाना । गावहिँ कवि श्रुति सन्त पुराना ॥
ताहि भजहि मन तजि कुटिलाई । राम भजें गति केहिं नहिं पाई ॥
jāsu patita-pāvana bar̤a bānā | gāvahim̐ kavi śruti santa purānā ||
tāhi bhajahi mana taji kuṭilāī | rāma bhajeṃ gati kehiṃ nahiṃ pāī ||
पाई न केहिं गति पतित पावन राम भजि सुनु सठ मना ।
गनिका अजामिल ब्याध गीध गजादि खल तारे घना ॥
आभीर जमन किरात खस स्वपचादि अति अघ रूप जे ।
कहि नाम बारक तेपि पावन होहिं राम नमामि ते ॥
pāī na kehiṃ gati patita pāvana rāma bhaji sunu saṭha manā |
ganikā ajāmila byādha gīdha gajādi khala tāre ghanā ||
ābhīra jamana kirāta khasa svapacādi ati agha rūpa je |
kahi nāma bāraka tepi pāvana hohiṃ rāma namāmi te ||
रघुबंस-भूषन चरित यह नर कहहिं सुनहिँ जे गावहीं ।
कलि मल मनोमल धोइ बिनु श्रम राम धाम सिधावहीं ॥
सत पञ्च चौपाईं मनोहर, जानि जो नर उर धरैं ।
दारुन अबिद्या पञ्च-जनित बिकार श्रीरघुबर हरै ॥
raghubaṃsa-bhūṣana carita yaha nara kahahiṃ sunahim̐ je gāvahīṃ |
kali mala manomala dhoi binu śrama rāma dhāma sidhāvahīṃ ||
sata pañca caupāīṃ manohara, jāni jo nara ura dharaiṃ |
dāruna abidyā pañca-janita bikāra śrīraghubara harai ||
सुन्दर सुजान कृपा निधान अनाथ पर कर प्रीति जो ।
सो एक राम अकाम-हित निर्बान प्रद सम आन को ॥
जाकी कृपा लवलेस ते मतिमन्द तुलसीदासहूँ ।
पायो परम बिश्रामु राम समान प्रभु नाहीं कहूँ ॥
sundara sujāna kṛpā nidhāna anātha para kara prīti jo |
so eka rāma akāma-hita nirbāna prada sama āna ko ||
jākī kṛpā lavalesa te matimanda tulasīdāsahūm̐ |
pāyo parama biśrāmu rāma samāna prabhu nāhīṃ kahūm̐ ||
मो सम दीन न दीन हित, तुम्ह समान रघुबीर ।
अस बिचारि रघुबंस मनि, हरहु विषम भव भीर ॥
mo sama dīna na dīna hita, tumha samāna raghubīra |
asa bicāri raghubaṃsa mani, harahu viṣama bhava bhīra ||
कामिहि नारि पिआरि जिमि, लोभहि प्रिय जिमि दाम ।
तिमि रघुनाथ निरन्तर, प्रिय लागहु मोहि राम ॥
kāmihi nāri piāri jimi, lobhahi priya jimi dāma |
timi raghunātha nirantara, priya lāgahu mohi rāma ||
श्रीमद्रामपदाब्जभक्तिमनिशं प्राप्त्यै तु रामायणम् ।
भाषाबद्धमिदं चकार तुलसीदासस्तथा मानसम् ॥
śrīmadrāmapadābjabhaktimaniśaṃ prāptyai tu rāmāyaṇam |
bhāṣābaddhamidaṃ cakāra tulasīdāsastathā mānasam ||
मायामोहमलापहं सुविमलं प्रेमाम्बुपूरं शुभम् ।
ते संसारपतङ्गघोरकिरणैर्दह्यन्ति नो मानवाः ॥
māyāmohamalāpahaṃ suvimalaṃ premāmbupūraṃ śubham |
te saṃsārapataṅgaghorakiraṇairdahyanti no mānavāḥ ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0