10 verses · 112 of 130
Kakbhushundi tells Garuda what he weighed in his mind while Lomasha argued. Can one who seeks all beings' good ever suffer? Can a slanderer of Hari be happy? What gain equals Hari-bhakti, what loss equals a human birth without Rama's worship? So he kept planting his flag for Brahman with form. At last the muni spoke in anger: fool, you answer back, trust no true word and fear everyone like a crow; become a crow. Bhushundi took the curse on his head without fear or pleading, became a crow, bowed and flew off happily, remembering Rama. Shiva tells Uma: those devoted to Rama see the world as their Lord, so whom could they oppose?
कबहुँ-कि दुख सब कर हित ताकें । तेहि कि दरिद्र परस मनि जाकें ॥
परद्रोही की होहिँ निसङ्का । कामी पुनि कि रहहिं अकलङ्का ॥
kabahum̐-ki dukha saba kara hita tākeṃ | tehi ki daridra parasa mani jākeṃ ||
paradrohī kī hohim̐ nisaṅkā | kāmī puni ki rahahiṃ akalaṅkā ||
बंस कि रह द्विज अनहित कीन्हें । कर्म कि होहिँ स्वरूपहि चीन्हें ॥
काहू सुमति कि खल संग जामी । सुभ गति पाव कि परत्रिय-गामी ॥
baṃsa ki raha dvija anahita kīnheṃ | karma ki hohim̐ svarūpahi cīnheṃ ||
kāhū sumati ki khala saṃga jāmī | subha gati pāva ki paratriya-gāmī ||
भव कि परहिँ परमात्मा-बिन्दक । सुखी कि होहिं कबहुँ हरिनिंदक ॥
राज कि रहइ नीति बिनु जानें । अघ कि रहहिं हरिचरित बखानें ॥
bhava ki parahim̐ paramātmā-bindaka | sukhī ki hohiṃ kabahum̐ hariniṃdaka ||
rāja ki rahai nīti binu jāneṃ | agha ki rahahiṃ haricarita bakhāneṃ ||
पावन जल कि पुन्य बिनु होई । बिनु अघ अजस कि पावइ कोई ॥
लाभ कि किछु हरि भगति समाना । जेहि गावहिं श्रुति सन्त पुराना ॥
pāvana jala ki punya binu hoī | binu agha ajasa ki pāvai koī ||
lābha ki kichu hari bhagati samānā | jehi gāvahiṃ śruti santa purānā ||
हानि कि जग एहि सम किछु भाई । भजिअ न रामहि नर तनु पाई ॥
अघ कि पिसुनता सम कछु आना । धर्म कि दया सरिस हरिजाना ॥
hāni ki jaga ehi sama kichu bhāī | bhajia na rāmahi nara tanu pāī ||
agha ki pisunatā sama kachu ānā | dharma ki dayā sarisa harijānā ||
एहि बिधि अमित जुगुति मन गुनऊँ । मुनि उपदेस न सादर सुनऊँ ॥
पुनि पुनि सगुन पच्छ में रोपा । सन्न मुनि बाले बचन सकोपा ॥
ehi bidhi amita juguti mana gunaūm̐ | muni upadesa na sādara sunaūm̐ ||
puni puni saguna paccha meṃ ropā | sanna muni bāle bacana sakopā ||
मूढ़ परम सिख देउँ न मानसि । उत्तर प्रतिउत्तर बहु आनसि ॥
सत्य बचन बिस्वास न करही । बायस इव सबही ते डरही ॥
mūr̤ha parama sikha deum̐ na mānasi | uttara pratiuttara bahu ānasi ||
satya bacana bisvāsa na karahī | bāyasa iva sabahī te ḍarahī ||
सठ स्वपच्छ तब हृदयँ विसाला । सपदि होहि पच्छी चंडाला ॥
लीन्ह साप मैं सीस चढ़ाई । नहिँ कछु भय न दीनता आई ॥
saṭha svapaccha taba hṛdayam̐ visālā | sapadi hohi pacchī caṃḍālā ||
līnha sāpa maiṃ sīsa car̤hāī | nahim̐ kachu bhaya na dīnatā āī ||
तुरत भयउँ मैं काग तब, पुनि मुनि पद सिर नाइ ।
सुमिरि राम रघुबंस मनि, हरषित चलेउँ उड़ाइ ॥
turata bhayaum̐ maiṃ kāga taba, puni muni pada sira nāi |
sumiri rāma raghubaṃsa mani, haraṣita caleum̐ ur̤āi ||
उमा जे राम चरन रत, बिगत काम मद क्रोध ।
निज प्रक्षु मय देखहिँ जगत, केहि सन कहिँ बिरोध ॥
umā je rāma carana rata, bigata kāma mada krodha |
nija prakṣu maya dekhahim̐ jagata, kehi sana kahim̐ birodha ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
