एक बार गुरु लीन्ह बोलाई । मोहि नीति बहु भाँति सिखाई ॥
सिव सेवा घर फल सुत सोई । अबिरल भगति राम-पद होई ॥
eka bāra guru līnha bolāī | mohi nīti bahu bhām̐ti sikhāī ||
siva sevā ghara phala suta soī | abirala bhagati rāma-pada hoī ||
Uttara Kanda
Chapter 106: The guru's counsel scorned in Shiva's temple
10 verses · 106 of 130
What happens in this chapter
The guru's counsel scorned in Shiva's temple
Kakbhushundi tells Garuda how his guru once taught him: the fruit of serving Shiva is unbroken bhakti for Rama, whom Shiva and Brahma themselves worship; how can you hate Him and hope for happiness? Hearing Hara called Hari's servant, Bhushundi burned. Learning made him like a snake fed on milk, and he plotted against his ever-patient guru. He draws the lesson: the base destroy whoever raised them, as smoke born of fire becomes the cloud that quenches it, so neither quarrel with nor befriend the wicked. Then came the offence. Chanting in Shiva's temple, he did not rise when his guru entered. The guru said nothing, but Mahesh could not bear it.
रामहिं भजहिं तात सिव धाता । नर पावँर के केतिक बाता ॥
जासु चरन अज सिव अनुरागी । तासु द्रोहँ सुख चहसि अभागी ॥
rāmahiṃ bhajahiṃ tāta siva dhātā | nara pāvam̐ra ke ketika bātā ||
jāsu carana aja siva anurāgī | tāsu droham̐ sukha cahasi abhāgī ||
हर कहुँ हरि सेवक गुरु कहेऊ । सुनि खगनाथ हृदय सम दहेऊ ॥
अधम जाति में विद्या पाये । भयउँ जथा अहि दूध पिआये ॥
hara kahum̐ hari sevaka guru kaheū | suni khaganātha hṛdaya sama daheū ||
adhama jāti meṃ vidyā pāye | bhayaum̐ jathā ahi dūdha piāye ||
मानी कुटिल कुभाग्य कुजाती । गुरु कर द्रोह करउँ दिन राती ॥
अति दयाल गुरु स्वल्प न क्रोधा । पुनि पुनि मोहि सिखाव सुबोधा ॥
mānī kuṭila kubhāgya kujātī | guru kara droha karaum̐ dina rātī ||
ati dayāla guru svalpa na krodhā | puni puni mohi sikhāva subodhā ||
जेहि ते नीच बड़ाई पावा । सो प्रथमहिं हठि ताहि नसावा ॥
धूम अनल सम्भव सुनु भाई । तेहि बुझाव-घन पदवी पाई ॥
jehi te nīca bar̤āī pāvā | so prathamahiṃ haṭhi tāhi nasāvā ||
dhūma anala sambhava sunu bhāī | tehi bujhāva-ghana padavī pāī ||
रज मग परी निरादर रहई । सब कर पद प्रहार नित सहई ॥
मरुत उड़ाव प्रथम तेहि भरई । पुनि नृप नयन किरीटन्हि परई ॥
raja maga parī nirādara rahaī | saba kara pada prahāra nita sahaī ||
maruta ur̤āva prathama tehi bharaī | puni nṛpa nayana kirīṭanhi paraī ||
सुनु खगपति अस समुझि प्रसङ्गा । बुध नहिँ करहिँ अधम कर सङ्गा ॥
कबि कोबिद गावहिँ असि नीती । खल सन कलह न भल नहिँ प्रीती ॥
sunu khagapati asa samujhi prasaṅgā | budha nahim̐ karahim̐ adhama kara saṅgā ||
kabi kobida gāvahim̐ asi nītī | khala sana kalaha na bhala nahim̐ prītī ||
उदासीन नित रहिय गोसाईं । खल परिहरिअ स्वान की नाँई ॥
मैं खल हृदयँ कपट कुटिलाई । गुरु हित कहहिँ न मोहि सोहाई ॥
udāsīna nita rahiya gosāīṃ | khala pariharia svāna kī nām̐ī ||
maiṃ khala hṛdayam̐ kapaṭa kuṭilāī | guru hita kahahim̐ na mohi sohāī ||
एक बार हर मन्दिर जपत रहेउँ, सिव नाम ।
गुरु आयउ अभिमान तेँ, उठि नहिं कीन्ह प्रनाम ॥
eka bāra hara mandira japata raheum̐, siva nāma |
guru āyau abhimāna tem̐, uṭhi nahiṃ kīnha pranāma ||
सो दयाल नहिँ कहेउ कछु उर न रोष लवलेस ।
अति अघ गुरु-अपमानता, सहि नहिँ सके महेस ॥
so dayāla nahim̐ kaheu kachu ura na roṣa lavalesa |
ati agha guru-apamānatā, sahi nahim̐ sake mahesa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0