मन्दिर माँझ भई नभ बानी । रे हतभाग्य अज्ञ अभिमानी ॥
जद्यपि तव गुरु कें नहिँ क्रोधा । अति कृपाल चित सम्यक बोधा ॥
mandira mām̐jha bhaī nabha bānī | re hatabhāgya ajña abhimānī ||
jadyapi tava guru keṃ nahim̐ krodhā | ati kṛpāla cita samyaka bodhā ||
Uttara Kanda
Chapter 107: Shiva's curse, and the guru's plea
6 verses · 107 of 130
What happens in this chapter
Shiva's curse, and the guru's plea
Kakbhushundi tells Garuda what followed. A voice rang out in the temple: wretched, proud fool! Your guru feels no anger, yet I will curse you, for I cannot bear a breach of dharma; if I let it pass, my own Vedic path would fall. Those who envy their guru lie in Raurava hell for crores of yugas, then suffer ten thousand births as beasts. You sat still like a python, so become a snake and live in the hollow of a great tree. The guru cried out at Shiva's dreadful curse. Seeing his pupil tremble, he prostrated before Shiva with joined palms and began to plead in a choking voice.
तदपि साप सठ दैहउँ तोही । नीति बिरोध सोहाइ न मोही ॥
जौं नहिँ दंड करउँ खल तोरा । भ्रष्ट होइ श्रुतिमारग मोरा ॥
tadapi sāpa saṭha daihaum̐ tohī | nīti birodha sohāi na mohī ||
jauṃ nahim̐ daṃḍa karaum̐ khala torā | bhraṣṭa hoi śrutimāraga morā ||
जे सठ गुरु सन इरिषा करहीं । रौरव नरक कोटि जुग परहीं ॥
त्रिजग-जोनि पुनि धरहिँ सरीरा । अयुत जनम भरि पावहिँ पीरा ॥
je saṭha guru sana iriṣā karahīṃ | raurava naraka koṭi juga parahīṃ ||
trijaga-joni puni dharahim̐ sarīrā | ayuta janama bhari pāvahim̐ pīrā ||
बैठि रहेसि अजगर इव पापी । सर्प होहि खल मल मति ब्यापी ॥
महा बिटप कोटर मह जाई । रहु अधमाधम अध-गति पाई ॥
baiṭhi rahesi ajagara iva pāpī | sarpa hohi khala mala mati byāpī ||
mahā biṭapa koṭara maha jāī | rahu adhamādhama adha-gati pāī ||
हाहाकार कीन्ह गुरु, दारुन सुनि सिव साप ।
कम्पित मोहि बिलोकि अति, उर उपजा परिताप ॥
hāhākāra kīnha guru, dāruna suni siva sāpa |
kampita mohi biloki ati, ura upajā paritāpa ||
करि दंडवत सप्रेम द्विज, सिव सनमुख कर जोरि ।
बिनय करत गदगद गिरा, समुझि घोर गति मोरि ॥
kari daṃḍavata saprema dvija, siva sanamukha kara jori |
binaya karata gadagada girā, samujhi ghora gati mori ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0