नाथ नील नल कपि दोउ भाई । लरिकाई रिषि आसिष पाई ॥
तिन्ह के परस किये गिरि भारे । तरिहहिँ जलधि प्रताप तुम्हारे ॥
nātha nīla nala kapi dou bhāī | larikāī riṣi āsiṣa pāī ||
tinha ke parasa kiye giri bhāre | tarihahim̐ jaladhi pratāpa tumhāre ||
Sundara Kanda
Chapter 60: Nala and Nila, and the kanda's close
इति श्रीरामचरितमानसे सकलकलिकलुष विध्वंसने ज्ञान सम्पादनो नाम पञ्चमः सोपानः समाप्तः।
6 verses · 60 of 60
What happens in this chapter
Nala and Nila, and the kanda's close
Lord, says the Ocean, the monkey brothers Nala and Nila were blessed by a rishi in childhood: mountains they touch will float by your glory, and I will help as I can. Bind the sea, and this fame will be sung in the three worlds. With this same arrow, he asks, slay the sinful wicked men on my northern shore. Raghubir removes his pain at once. Glad at Rama's might, the Ocean bows and goes home. Tulsidas sings that this charita washes away the stains of Kali; whoever sings and hears Raghupati's virtues, leaving every other hope, crosses the sea of becoming without a boat. The colophon closes the fifth sopana.
मैं पुनि उर धरि प्रभुताई । करिहउँ बल अनुमान सहाई ॥
एहि बिधि नाथ पयोधि बँधाइअ । जेहिं यह सुजस लोक तिहुँ गाइअ ॥
maiṃ puni ura dhari prabhutāī | karihaum̐ bala anumāna sahāī ||
ehi bidhi nātha payodhi bam̐dhāia | jehiṃ yaha sujasa loka tihum̐ gāia ||
एहि सर मम उत्तर तट बासी । हतहु नाथ खल नर अघ रासी ॥
सुनि कृपाल सागर मन पीरा । तुरतहिं हरी राम रनधीरा ॥
ehi sara mama uttara taṭa bāsī | hatahu nātha khala nara agha rāsī ||
suni kṛpāla sāgara mana pīrā | turatahiṃ harī rāma ranadhīrā ||
देखि राम बल पौरुष भारी । हरषि पयोनिधि भयउ सुखारी ॥
सकल चरित कहि प्रभुहि सुनावा । चरन बन्दि पाथोधि सिधावा ॥
dekhi rāma bala pauruṣa bhārī | haraṣi payonidhi bhayau sukhārī ||
sakala carita kahi prabhuhi sunāvā | carana bandi pāthodhi sidhāvā ||
निज भवन गवनेउ सिन्धु श्रीरघुपतिहि यह मत भायऊ ।
यह चरित कलि मलहर जथामति, दास तुलसी गायऊ ॥
सुख भवन संसय समन दवन बिषाद रघुपति गुन गना ।
तजि सकल आस भरोस गावहि, सुनहि सन्तत सठ मना ॥
nija bhavana gavaneu sindhu śrīraghupatihi yaha mata bhāyaū |
yaha carita kali malahara jathāmati, dāsa tulasī gāyaū ||
sukha bhavana saṃsaya samana davana biṣāda raghupati guna ganā |
taji sakala āsa bharosa gāvahi, sunahi santata saṭha manā ||
सकल सुमङ्गल दायक, रघुनायक गुन गान ।
सादर सुनहिँ ते तरहिँ भव, सिन्धु बिना जलजान ॥
sakala sumaṅgala dāyaka, raghunāyaka guna gāna |
sādara sunahim̐ te tarahim̐ bhava, sindhu binā jalajāna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0