सुनु लङ्केस सकल गुन तोरें । तातें तुम्ह अतिसय प्रिय मोरें ॥
राम बचन सुनि बानर-जूथा । सकल कहहिं जय कृपा-बरूथा ॥
sunu laṅkesa sakala guna toreṃ | tāteṃ tumha atisaya priya moreṃ ||
rāma bacana suni bānara-jūthā | sakala kahahiṃ jaya kṛpā-barūthā ||
Sundara Kanda
Chapter 49: Vibhishana crowned with sea water
7 verses · 49 of 60
What happens in this chapter
Vibhishana crowned with sea water
You have all these virtues, lord of Lanka, says Rama, so you are very dear to Me. Vibhishana cannot hear enough; he clasps the Lord's feet again and again. Some old desire lingered in my heart, he says; the river of love for your feet has swept it away. Now give me your pure bhakti, which Shiva's mind delights in. So be it, says Rama, and calls for sea water. Though you want nothing, friend, the sight of Me never goes fruitless. He anoints Vibhishana king as flowers rain. Saved from the fire of Ravana's anger, Vibhishana is given an unbroken kingdom. The wealth Shiva gave Ravana for ten offered heads, Raghunath gives Vibhishana, and even feels shy that it is so little.
सुनत बिभीषनु प्रभु कै बानी । नहिँ अघात श्रवनामृत जानी ॥
पद अम्बुज गहि बारहिं बारा । हृदयँ समात न प्रेमु अपारा ॥
sunata bibhīṣanu prabhu kai bānī | nahim̐ aghāta śravanāmṛta jānī ||
pada ambuja gahi bārahiṃ bārā | hṛdayam̐ samāta na premu apārā ||
सुनहु देव सचराचर स्वामी । प्रनतपाल उर अन्तरजामी ॥
उर कछु प्रथम बासना रही । प्रभु-पद-प्रीति-सरित सो बही ॥
sunahu deva sacarācara svāmī | pranatapāla ura antarajāmī ||
ura kachu prathama bāsanā rahī | prabhu-pada-prīti-sarita so bahī ||
अब कृपाल निज भगति पावनी । देहु सदा सिव मन भावनी ॥
एवमस्तु कहि प्रभु रनधीरा । मागा तुरत सिन्धु कर नीरा ॥
aba kṛpāla nija bhagati pāvanī | dehu sadā siva mana bhāvanī ||
evamastu kahi prabhu ranadhīrā | māgā turata sindhu kara nīrā ||
जदपि सखा तव इच्छा नाहीँ । मोर दरस अमोघ जग माहीँ ॥
अस कहि राम तिलक तेहि सारा । सुमन बृष्टि नभ भई अपारा ॥
jadapi sakhā tava icchā nāhīm̐ | mora darasa amogha jaga māhīm̐ ||
asa kahi rāma tilaka tehi sārā | sumana bṛṣṭi nabha bhaī apārā ||
रावन क्रोध अनल निज, स्वास समीर प्रचंड ।
जरत बिभीषन राखेउ, दीन्हेहु राज अखंड ॥
rāvana krodha anala nija, svāsa samīra pracaṃḍa |
jarata bibhīṣana rākheu, dīnhehu rāja akhaṃḍa ||
जो सम्पति सिव रावनहिँ, दीन्हि दिये दस माथ ।
सोइ सम्पदा विभीषनहिँ, सकुचि दीन्हि रघुनाथ ॥
jo sampati siva rāvanahim̐, dīnhi diye dasa mātha |
soi sampadā vibhīṣanahim̐, sakuci dīnhi raghunātha ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0