5 verses · 23 of 60
Keep Rama's lotus feet in your heart, Hanuman says, and rule Lanka unshaken. Pulastya's fame is a spotless moon; do not be its stain. Speech without Rama's name has no grace, as a woman in every ornament has none without clothing. The wealth and power of one turned from Rama is as if never gained, like rivers without a spring that swell in the rains and then run dry. I say it with a vow: not a thousand Shankaras, Vishnus or Brahmas can save Rama's enemy. Give up the darkness of pride, root of delusion and much pain, and worship Raghunayak, ocean of mercy.
राम चरन-पङ्कज उर धरहू । लङ्का अचल राज तुम्ह करहू ॥
रिषि पुलस्ति जस बिमल मंयका । जेहि ससि महुँ जनि होहु कलङ्का ॥
rāma carana-paṅkaja ura dharahū | laṅkā acala rāja tumha karahū ||
riṣi pulasti jasa bimala maṃyakā | jehi sasi mahum̐ jani hohu kalaṅkā ||
राम नाम बिनु गिरा न सोहा । देखु बिचारि त्यागि मद मोहा ॥
बसन हीन नहिँ सोह सुरारी । सब भूषन भूषित बर नारी ॥
rāma nāma binu girā na sohā | dekhu bicāri tyāgi mada mohā ||
basana hīna nahim̐ soha surārī | saba bhūṣana bhūṣita bara nārī ||
राम बिमुख सम्पति प्रभुताई । जाइ रही पाई बिनु पाई ॥
सजल-मूल जिन्ह सरितन्ह नाहिँ । बरषि गये पुनि ताहि सुखाहीं ॥
rāma bimukha sampati prabhutāī | jāi rahī pāī binu pāī ||
sajala-mūla jinha saritanha nāhim̐ | baraṣi gaye puni tāhi sukhāhīṃ ||
सुनु दसकंठ कहउँ पन रोपी । बिमुख राम त्राता नहिँ कोपी ॥
सङ्कर सहस बिष्नु अज तोही । सकहिँ न राखि राम कर द्रोही ॥
sunu dasakaṃṭha kahaum̐ pana ropī | bimukha rāma trātā nahim̐ kopī ||
saṅkara sahasa biṣnu aja tohī | sakahim̐ na rākhi rāma kara drohī ||
मोह मूल बहु सूल प्रद, त्यागहु तम अभिमान ।
भजहु राम रघुनायक, कृपा सिन्धु भगवान ॥
moha mūla bahu sūla prada, tyāgahu tama abhimāna |
bhajahu rāma raghunāyaka, kṛpā sindhu bhagavāna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
