जदपि कहि कपि अति-हित-बानी । ज्ञान विवेक बिरति नय सानी ॥
बोला बिहँसि महा अभिमानी । मिला हमहिँ कपि गुरु बड़ ज्ञानी ॥
jadapi kahi kapi ati-hita-bānī | jñāna viveka birati naya sānī ||
bolā biham̐si mahā abhimānī | milā hamahim̐ kapi guru bar̤a jñānī ||
Sundara Kanda
Chapter 24: Ravana orders the tail set alight
6 verses · 24 of 60
What happens in this chapter
Ravana orders the tail set alight
Ravana laughs in arrogance: we have found a monkey guru, a great sage. Your death is near, wretch, that you lecture me. It will be the other way round, says Hanuman; your mind has plainly gone astray. Stung, Ravana orders the fool killed at once. As the rakshasas rush in, Vibhishana arrives with ministers, bows and pleads: killing an envoy is against statecraft; give another punishment. All agree. Ravana laughs: then maim the monkey and send him back. A monkey loves his tail, he tells them; wrap it in oil-soaked cloth and set it alight.
मृत्यु निकट आई खल तोही । लागेसि अधम सिखावन मोही ॥
उलटा होइहि कह हनुमाना । मति-भ्रम तोहि प्रगट मैं जाना ॥
mṛtyu nikaṭa āī khala tohī | lāgesi adhama sikhāvana mohī ||
ulaṭā hoihi kaha hanumānā | mati-bhrama tohi pragaṭa maiṃ jānā ||
सुनि कपि बचन बहुत खिसिआना । बेगि न हरहु मूढ़ कर प्राना ॥
सुनत निसाचर मारन धाये । सचिवन्ह सहित बिभीषन आये ॥
suni kapi bacana bahuta khisiānā | begi na harahu mūr̤ha kara prānā ||
sunata nisācara mārana dhāye | sacivanha sahita bibhīṣana āye ||
नाइ सीस करि बिनय बहूता । नीति विरोध न मारिअ दूता ॥
आन दंड कछु करिय गोसाँई । सबहीं कहा मन्त्र भल भाई ॥
nāi sīsa kari binaya bahūtā | nīti virodha na māria dūtā ||
āna daṃḍa kachu kariya gosām̐ī | sabahīṃ kahā mantra bhala bhāī ||
सुनत बिहँसि बोला दसकन्धर । अङ्ग भङ्ग करि पठवहु बन्दर ॥
sunata biham̐si bolā dasakandhara | aṅga bhaṅga kari paṭhavahu bandara ||
कपि कें ममता पूँछि पर, सबहि कहउँ समुझाइ ।
तेल बोरि पट बाँधि पुनि, पावक देहु लगाइ ॥
kapi keṃ mamatā pūm̐chi para, sabahi kahaum̐ samujhāi |
tela bori paṭa bām̐dhi puni, pāvaka dehu lagāi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0