त्रिजटा नाम राच्छसी एका । राम चरन रति निपुन बिबेका ॥
सबन्हौँ बोलि सुनायेसि सपना । सीतहि सेइ करहु हित अपना ॥
trijaṭā nāma rācchasī ekā | rāma carana rati nipuna bibekā ||
sabanhaum̐ boli sunāyesi sapanā | sītahi sei karahu hita apanā ||
Sundara Kanda
Chapter 11: Trijata's dream of Lanka's fall
5 verses · 11 of 60
What happens in this chapter
Trijata's dream of Lanka's fall
Trijata, a rakshasi devoted to Rama's feet and wise in discernment, gathers the others and tells her dream, urging them to serve Sita for their own good. A monkey burnt Lanka and slew the rakshasa army. Ravana rode south on a donkey, naked, heads shaven, twenty arms cut off. Lanka passed to Vibhishana, Raghubir's proclamation rang through the city, and the Lord sent for Sita. Mark me, she cries, it will come true in four days. The rakshasis fall in fear at Sita's feet, then scatter. Sita is left anxious: when the month ends the vile rakshasa will kill me.
सपनें बानर लङ्का जारी । जातुधान सेना सब मारी ॥
खर आरूढ़ नगन दससीसा । मुंडित सिर खंडित भुज बीसा ॥
sapaneṃ bānara laṅkā jārī | jātudhāna senā saba mārī ||
khara ārūr̤ha nagana dasasīsā | muṃḍita sira khaṃḍita bhuja bīsā ||
एहि बिधि सो दच्छिन दिसि जाई । लङ्का मनहुँ बिभीषन पाई ॥
नगर फिरी रघुबीर दोहाई । तब प्रभु सीता बोलि पठाई ॥
ehi bidhi so dacchina disi jāī | laṅkā manahum̐ bibhīṣana pāī ||
nagara phirī raghubīra dohāī | taba prabhu sītā boli paṭhāī ||
यह सपना मैं कहउँ पुकारी । होइहि सत्य गये दिन चारी ॥
तासु बचन सुनि ते सब डरीँ । जनक-सुता के चरनन्हि परीं ॥
yaha sapanā maiṃ kahaum̐ pukārī | hoihi satya gaye dina cārī ||
tāsu bacana suni te saba ḍarīm̐ | janaka-sutā ke carananhi parīṃ ||
जहँ तहँ गईं सकल मिलि, सीता कर मन सोच ।
मास दिवस बीतें मोहि, मारिहि निसिचर पोच ॥
jaham̐ taham̐ gaīṃ sakala mili, sītā kara mana soca |
māsa divasa bīteṃ mohi, mārihi nisicara poca ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0