सीता तैं मम कृत अपमाना । कटिहउँ तव सिर कठिन कृपाना ॥
नाहिँ त सपदि मानु मम बानी । सुमुखि होत न त जीवन हानी ॥
sītā taiṃ mama kṛta apamānā | kaṭihaum̐ tava sira kaṭhina kṛpānā ||
nāhim̐ ta sapadi mānu mama bānī | sumukhi hota na ta jīvana hānī ||
Sundara Kanda
Chapter 10: Ravana's threat and a month's grace
6 verses · 10 of 60
What happens in this chapter
Ravana's threat and a month's grace
You have insulted me, Ravana says; obey now or this sword takes your head. Sita answers: round my neck will be either the Lord's arms, lovely as dark lotus garlands, or your dreadful blade; that is my vow. She begs the Chandrahasa itself to cool the fire of separation with its sharp edge. Ravana rushes at her again; Mandodari, Maya's daughter, restrains him with counsel. He orders the rakshasis to terrify Sita: if she does not yield within a month, he will kill her. He goes home, and the hideous women crowd round her.
स्याम-सरोज-दाम सम सुन्दर । प्रभु भुज करि कर सम दसकन्धर ॥
सो भुज कंठ कि तव अति घोरा । सुनु सठ अस प्रमान पन मोरा ॥
syāma-saroja-dāma sama sundara | prabhu bhuja kari kara sama dasakandhara ||
so bhuja kaṃṭha ki tava ati ghorā | sunu saṭha asa pramāna pana morā ||
चन्द्रहास हर मम परितापं । रघुपति-बिरह-अनल संजातं ॥
सीतल निसित बहसि बर धारा । कह सीता हरु मम दुख भारा ॥
candrahāsa hara mama paritāpaṃ | raghupati-biraha-anala saṃjātaṃ ||
sītala nisita bahasi bara dhārā | kaha sītā haru mama dukha bhārā ||
सुनत बचन पुनि मारन धावा । मय-तनया कहि नीति बुझावा ॥
कहेसि सकल निसिचरिन्ह बोलाई । सीतहि बहु बिधि त्रासह जाई ॥
sunata bacana puni mārana dhāvā | maya-tanayā kahi nīti bujhāvā ||
kahesi sakala nisicarinha bolāī | sītahi bahu bidhi trāsaha jāī ||
मास-दिवस महँ कहा न माना । तौ मैं मारबि काढ़ि कृपाना ॥
māsa-divasa maham̐ kahā na mānā | tau maiṃ mārabi kār̤hi kṛpānā ||
भवन गयउ दसकन्धर, इहाँ पिसाचिनि बृन्द ।
सीतहि त्रास देखावहिँ, धरहिँ रूप बहु मन्द ॥
bhavana gayau dasakandhara, ihām̐ pisācini bṛnda |
sītahi trāsa dekhāvahim̐, dharahim̐ rūpa bahu manda ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0