दसमुख देखि सिरन्ह के बाढ़ी । बिसरा मरन भई रिस गाढ़ी ॥
गर्जेउ मूढ़ महा-अभिमानी । धायउ दसहु सरासन तानी ॥
dasamukha dekhi siranha ke bār̤hī | bisarā marana bhaī risa gār̤hī ||
garjeu mūr̤ha mahā-abhimānī | dhāyau dasahu sarāsana tānī ||
लंकाकाण्ड
अध्याय 93: पुकारते कटे सिर और विभीषण पर शक्ति
6 श्लोक · 93 में से 121
इस अध्याय में क्या होता है
पुकारते कटे सिर और विभीषण पर शक्ति
सिरों को बढ़ते देख रावण मृत्यु भूल जाता है और उसका क्रोध और गहरा हो जाता है। बाण बरसाकर वह प्रभु के रथ को ढक देता है, घड़ी भर रथ दिखता नहीं, जैसे कुहरे में सूर्य छिप गया हो। देवताओं के हाहाकार पर प्रभु धनुष लेकर बाणों को रोकते हैं और शत्रु के सिर काटते हैं। कटे सिर आकाश में जय-जय करते दौड़ते हैं: कहाँ है लक्ष्मण, कहाँ हनुमान और कपीश, कहाँ है कोसलपति रघुवीर? उन्हें देखकर वानर भागते हैं, पर रघुवंशमणि हँसकर बाणों से उन्हें बेध देते हैं। कालिकाओं के झुण्ड हाथों में मुण्डमाला लिए जुटते हैं। फिर रावण क्रोध में विभीषण पर काल के दण्ड जैसी शक्ति छोड़ता है।
समर-भूमि दसकन्धर कोप्यो । बरषि बान रघुपति रथ तोप्यो ॥
दंड एक रथ देखि न परेऊ । जनु निहार महँ दिनकर दुरेऊ ॥
samara-bhūmi dasakandhara kopyo | baraṣi bāna raghupati ratha topyo ||
daṃḍa eka ratha dekhi na pareū | janu nihāra maham̐ dinakara dureū ||
हाहाकार सुरन्ह जब कीन्हा । तब प्रभु कोपि कारमुक लीन्हा ॥
सर निवारि रिपु के सिर काटे । ते दिसि बिदिस गगन महि पाटे ॥
hāhākāra suranha jaba kīnhā | taba prabhu kopi kāramuka līnhā ||
sara nivāri ripu ke sira kāṭe | te disi bidisa gagana mahi pāṭe ||
काटे सिर नभ-मारग धावहिं । जय जय धुनि करि भय उपजावहिं ॥
कहँ लछिमन हनुमान कपीसा । कहँ रघुबीर कोसलाधीसा ॥
kāṭe sira nabha-māraga dhāvahiṃ | jaya jaya dhuni kari bhaya upajāvahiṃ ||
kaham̐ lachimana hanumāna kapīsā | kaham̐ raghubīra kosalādhīsā ||
कहँ राम कहि सिर निकर धाए, देखि मर्कट भजि चले ।
सन्धानि धनु रघुबंस-मनि हँसि सरन्हि सिर बेधे भले ॥
सिर-मालिका कर कालिका गहि, बृन्द वृन्दन्हि बहु मिलीँ ।
करि रुधिर सरि सज्जन मनहुँ संग्राम-बट पूजन चलीँ ॥
kaham̐ rāma kahi sira nikara dhāe, dekhi markaṭa bhaji cale |
sandhāni dhanu raghubaṃsa-mani ham̐si saranhi sira bedhe bhale ||
sira-mālikā kara kālikā gahi, bṛnda vṛndanhi bahu milīm̐ |
kari rudhira sari sajjana manahum̐ saṃgrāma-baṭa pūjana calīm̐ ||
पुनि दसकंठ क्रुद्ध होइ, छाँड़ी सक्ति प्रचंड ।
चली बिभीषन सनमुख, मनहुँ काल कर दंड ॥
puni dasakaṃṭha kruddha hoi, chām̐r̤ī sakti pracaṃḍa |
calī bibhīṣana sanamukha, manahum̐ kāla kara daṃḍa ||
पाठ का स्रोत: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0