जाइ कपिन्ह सो देखा बैसा । आहुति देत रुधिर अस भैंसा ॥
कीन्ह कपिन्ह सब जग्य विधंसा । जब न उठइ तब करहिं प्रसंसा ॥
jāi kapinha so dekhā baisā | āhuti deta rudhira asa bhaiṃsā ||
kīnha kapinha saba jagya vidhaṃsā | jaba na uṭhai taba karahiṃ prasaṃsā ||
Lanka Kanda
Chapter 76: Lakshmana slays Meghanada
9 verses · 76 of 121
What happens in this chapter
Lakshmana slays Meghanada
The monkeys find Meghanada seated, offering blood and buffalo into the fire. They wreck the yajna; when he still does not rise, they drag him by the hair and kick him, then run. He chases them with his trident to where Lakshmana stands. He fells Hanuman and Angada, then hurls a spear at Lakshmana, who shatters it. When Lakshmana's fierce arrows come like thunderbolts he vanishes and fights in many guises, now seen, now hidden. Lakshmana resolves that he has played with this sinner long enough, remembers the glory of the Lord of Kosala and looses an arrow into his chest. Dying, Meghanada drops all deceit and cries: where is Rama's brother, where is Rama? Angada and Hanuman exclaim: blessed is your mother.
तदपि न उठइ धरेन्हि कच जाई । लातन्हि हति हति चले पराई ॥
लेइ त्रिशूल धावा कपि भागे । आये जहँ रामानुज आगे ॥
tadapi na uṭhai dharenhi kaca jāī | lātanhi hati hati cale parāī ||
lei triśūla dhāvā kapi bhāge | āye jaham̐ rāmānuja āge ||
आवा परम क्रोध कर मारा । गर्ज घोर रव बारहिँ बारा ॥
कोपि मरुत-सुत अङ्गद धाये । हति त्रिसूल उर धरनि गिराये ॥
āvā parama krodha kara mārā | garja ghora rava bārahim̐ bārā ||
kopi maruta-suta aṅgada dhāye | hati trisūla ura dharani girāye ||
प्रभु कहँ छाँड़ेसि सूल प्रचंडा । सर हति कृत अनन्त जुग खंडा ॥
उठि बहोरि मारुति जुबराजा । हतहिँ कोपि तेहि घाउ न बाजा ॥
prabhu kaham̐ chām̐r̤esi sūla pracaṃḍā | sara hati kṛta ananta juga khaṃḍā ||
uṭhi bahori māruti jubarājā | hatahim̐ kopi tehi ghāu na bājā ||
फिरे बीर रिपु मरइ न मारा । तब धावा करि घोर चिकारा ॥
आवत देखि क्रुद्ध जनु काला । लछिमन छाड़े बिसिख कराला ॥
phire bīra ripu marai na mārā | taba dhāvā kari ghora cikārā ||
āvata dekhi kruddha janu kālā | lachimana chār̤e bisikha karālā ||
देखेसि आवत पबि सम बाना । तुरत भयउ खल अन्तरधाना ॥
बिबिध बेष धरि करइ लराई । कबहुँक प्रगट कबहुँ दुरि जाई ॥
dekhesi āvata pabi sama bānā | turata bhayau khala antaradhānā ||
bibidha beṣa dhari karai larāī | kabahum̐ka pragaṭa kabahum̐ duri jāī ||
देखि अजय रिपु डरपे कीसा । परम क्रुद्ध तब भयउ अहीसा ॥
लछिमन मन अस मन्त्र दृढ़ावा । एहि पापिहि मैं बहुत खेलावा ॥
dekhi ajaya ripu ḍarape kīsā | parama kruddha taba bhayau ahīsā ||
lachimana mana asa mantra dṛr̤hāvā | ehi pāpihi maiṃ bahuta khelāvā ||
सुमिरि कोसलाधीस प्रतापा । सर सन्धान कीन्ह करि दापा ॥
छाड़ा बान माँझ उर लागा । मरती बार कपट सब त्यागा ॥
sumiri kosalādhīsa pratāpā | sara sandhāna kīnha kari dāpā ||
chār̤ā bāna mām̐jha ura lāgā | maratī bāra kapaṭa saba tyāgā ||
रामानुज कहँ राम कहँ, अस कहि छाँडेसि प्रान ।
धन्य धन्य तव जननी, कह अङ्गद हनुमान ॥
rāmānuja kaham̐ rāma kaham̐, asa kahi chām̐ḍesi prāna |
dhanya dhanya tava jananī, kaha aṅgada hanumāna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0