हरषि राम भेंटेउ हनुमाना । अति कृतग्य प्रभु परम-सुजाना ॥
तुरत बैद तब कीन्ह उपाई । उठि बैठे लछिमन हरषाई ॥
haraṣi rāma bheṃṭeu hanumānā | ati kṛtagya prabhu parama-sujānā ||
turata baida taba kīnha upāī | uṭhi baiṭhe lachimana haraṣāī ||
Lanka Kanda
Chapter 62: Lakshmana revives and Kumbhakarna is woken
7 verses · 62 of 121
What happens in this chapter
Lakshmana revives and Kumbhakarna is woken
Shri Rama embraces Hanuman with deep gratitude. The physician Sushena applies the remedy at once, and Lakshmana sits up glad and whole. Rama holds his brother to his heart, and the bears and monkeys rejoice. Hanuman then carries the physician back home just as he had brought him. Ravana hears all this, beats his head again and again in dismay, and goes to wake Kumbhakarna with great effort. Kumbhakarna rises looking like Death in bodily form and asks why his brother's face has dried up. The proud Ravana tells him how he carried off Sita, and how the monkeys have killed Durmukha, Devantaka, Narantaka, Atikaya, Akampana, Mahodara and many more. Hearing this, Kumbhakarna weeps: fool, you have stolen the Mother of the worlds and still hope for good?
हृदयँ लाइ प्रभु भेंटेउ भ्राता । हरषे सकल भालु कपि-ब्राता ॥
कपि पुनि बैद तहाँ पहुँचावा । जेहि विधि तबहिं ताहि लइ आवा ॥
hṛdayam̐ lāi prabhu bheṃṭeu bhrātā | haraṣe sakala bhālu kapi-brātā ||
kapi puni baida tahām̐ pahum̐cāvā | jehi vidhi tabahiṃ tāhi lai āvā ||
यह वृत्तान्त दसानन सुनेऊ । अति बिषअद पुनि पुनि सिर धुनेऊ ॥
व्याकुल कुम्भकरन पहिँ आवा । बिबिध जतन करि ताहि जगावा ॥
yaha vṛttānta dasānana suneū | ati biṣaada puni puni sira dhuneū ||
vyākula kumbhakarana pahim̐ āvā | bibidha jatana kari tāhi jagāvā ||
जागा निसिचर देखिय कैसा । मानहुँ काल देह धरि बैसा ॥
कुम्भकरन बूझा कहु भाई । काहे तव मुख रहे सुखाई ॥
jāgā nisicara dekhiya kaisā | mānahum̐ kāla deha dhari baisā ||
kumbhakarana būjhā kahu bhāī | kāhe tava mukha rahe sukhāī ||
कथा कही सब तेहिं अभिमानी । जेहि प्रकार सीता हरि आनी ॥
तात कपिन्ह सब निसिचर मारे । महा-महा-जोधा सङ्घारे ॥
kathā kahī saba tehiṃ abhimānī | jehi prakāra sītā hari ānī ||
tāta kapinha saba nisicara māre | mahā-mahā-jodhā saṅghāre ||
दुर्मुख सुररिपु मनुज अहारी । भट अतिकाय अकम्पन भारी ॥
अपर महोदर आदिक बीरा । परे समर महि सब रनधीरा ॥
durmukha suraripu manuja ahārī | bhaṭa atikāya akampana bhārī ||
apara mahodara ādika bīrā | pare samara mahi saba ranadhīrā ||
सुनि दसकन्धर बचन तब, कुम्भकरन बिलखान ।
जगदम्बा हरि आन अब, सठ चाहत कल्यान ॥
suni dasakandhara bacana taba, kumbhakarana bilakhāna |
jagadambā hari āna aba, saṭha cāhata kalyāna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0