उहाँ राम लछिमनहिं निहारी । बोले बचन अनुज अनुहारी ॥
अर्ध राति गइ कपि नहिँ आयउ । राम उठाइ अनुज उर लायउ ॥
uhām̐ rāma lachimanahiṃ nihārī | bole bacana anuja anuhārī ||
ardha rāti gai kapi nahim̐ āyau | rāma uṭhāi anuja ura lāyau ||
Lanka Kanda
Chapter 61: Shri Rama laments over the fallen Lakshmana
10 verses · 61 of 121
What happens in this chapter
Shri Rama laments over the fallen Lakshmana
Half the night has gone and Hanuman has not returned. Shri Rama lifts Lakshmana to his breast and speaks as a grieving brother. You could never bear to see me sad; for my sake you left father and mother and bore the forest's cold, heat and wind. Sons, wealth, wife and home come and go again and again, but a brother of the same mother is not found twice. Without you I am a bird without wings. What face will I show in Ayodhya, having lost a brother for a wife's sake? What will I tell Sumitra? Bhagwan Shiva tells Uma that the one undivided Lord was showing the ways of a man. As the monkeys despair, Hanuman arrives, like the heroic mood breaking into grief.
सकहु न दुखित देखि मोहि काऊ । बन्धु सदा तव मृदुल सुभाऊ ॥
मन हित लागि तजेहु पितु माता । सहेहु विपिन हिम आतप बाता ॥
sakahu na dukhita dekhi mohi kāū | bandhu sadā tava mṛdula subhāū ||
mana hita lāgi tajehu pitu mātā | sahehu vipina hima ātapa bātā ||
सो अनुराग कहाँ अब लाई । उठहु न सुनि मम बच बिकलाई ॥
जौँ जनतेउँ बन बन्धु बिछोहू । पिता बचन मनतेउँ नहिँ ओहू ॥
so anurāga kahām̐ aba lāī | uṭhahu na suni mama baca bikalāī ||
jaum̐ janateum̐ bana bandhu bichohū | pitā bacana manateum̐ nahim̐ ohū ||
सुत वित नारि भवन परिवारा । होहिँ जाहिँ जग बारहिँ बारा ॥
अस बिचारि जियँ जागहु ताता । मिलइ न जगत सहोदर भ्राता ॥
suta vita nāri bhavana parivārā | hohim̐ jāhim̐ jaga bārahim̐ bārā ||
asa bicāri jiyam̐ jāgahu tātā | milai na jagata sahodara bhrātā ||
जथा पंख बिनु खग अति दीना । मनि बिनु फनि करिवर कर हीना ॥
अस मम जिवन बन्धु बिनु तोही । जौं जड़ देव जिआवै मोही ॥
jathā paṃkha binu khaga ati dīnā | mani binu phani karivara kara hīnā ||
asa mama jivana bandhu binu tohī | jauṃ jar̤a deva jiāvai mohī ||
जैहउँ अवध कवन मुहु लाई । नारि हेतु प्रिय भाइ गँवाई ॥
बरु अपजस सहतेउँ जग माहीं । नारि हानि बिसेष छति नाहीँ ॥
jaihaum̐ avadha kavana muhu lāī | nāri hetu priya bhāi gam̐vāī ||
baru apajasa sahateum̐ jaga māhīṃ | nāri hāni biseṣa chati nāhīm̐ ||
अब अपलोक सोकु सुत तोरा । सहिहि निठुर कठोर उर मोरा ॥
निज जननी के एक कुमारा । तात तासु तुम्ह प्रान अधारा ॥
aba apaloka soku suta torā | sahihi niṭhura kaṭhora ura morā ||
nija jananī ke eka kumārā | tāta tāsu tumha prāna adhārā ||
सौंपेसि मोहि तुम्हहि गहि पानी । सब विधि सुखद परम हित जानी ॥
उतरु काह दैहउँ तेहि जाई । उठि किन मोहि सिखावह भाई ॥
sauṃpesi mohi tumhahi gahi pānī | saba vidhi sukhada parama hita jānī ||
utaru kāha daihaum̐ tehi jāī | uṭhi kina mohi sikhāvaha bhāī ||
बहु बिधि सिचत सोच बिमोचन । स्त्रवत सलिल राजिव-दल लोचन ॥
उमा एक अखंड रघुराई । नर-गति भगत-कृपाल देखाई ॥
bahu bidhi sicata soca bimocana | stravata salila rājiva-dala locana ||
umā eka akhaṃḍa raghurāī | nara-gati bhagata-kṛpāla dekhāī ||
प्रभु प्रलाप सुनि कान, बिकल भये बानर निकर ।
आइ गयउ हनुमान, जिमि करुना महँ बीर रस ॥
prabhu pralāpa suni kāna, bikala bhaye bānara nikara |
āi gayau hanumāna, jimi karunā maham̐ bīra rasa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0