परिहरि बयर देहु बैदेही । भजहु कृपानिधि परम सनेही ॥
ताके बचन बान सम लागे । करिआ मुख करि जाहि अभागे ॥
parihari bayara dehu baidehī | bhajahu kṛpānidhi parama sanehī ||
tāke bacana bāna sama lāge | kariā mukha kari jāhi abhāge ||
Lanka Kanda
Chapter 49: Malyavan dismissed, Meghanada vows to fight
7 verses · 49 of 121
What happens in this chapter
Malyavan dismissed, Meghanada vows to fight
Malyavan ends: give up enmity, return Vaidehi and worship the ocean of mercy, the supreme friend. His words strike Ravana like arrows: blacken your face and go, wretch; were you not so old I would kill you; never show me your face again. Malyavan, seeing that the Lord means to slay Ravana, leaves. Then Meghanada speaks in anger: watch my sport at dawn; I will do much, and say little. Comforted, Ravana seats his son lovingly on his lap. Dawn breaks as they plan, and the monkeys again besiege all four gates. Rakshasas rush out with every weapon and hurl mountain peaks from the fort. Hearing this, Meghanada comes down from the fort to face them, drums beating.
बूढ़ भएसि न त मरतेउँ तोही । अब जनि नयन देखावसि मोही ॥
तेहि अपने मन अस अनुमाना । बध्यो चहत एहि कृपानिधाना ॥
būr̤ha bhaesi na ta marateum̐ tohī | aba jani nayana dekhāvasi mohī ||
tehi apane mana asa anumānā | badhyo cahata ehi kṛpānidhānā ||
सो उठि गयउ कहत दुर्बादा । तब सकोप बोलेउ घननादा ॥
कौतुक प्रात देखिअहु मोरा । करिहउँ बहुत कहउँ का थोरा ॥
so uṭhi gayau kahata durbādā | taba sakopa boleu ghananādā ||
kautuka prāta dekhiahu morā | karihaum̐ bahuta kahaum̐ kā thorā ||
सुनि सुत बचन भरोसा आवा । प्रीति समेत अङ्क बैठावा ॥
करत बिचार भयउ भिनुसारा । लागे कपि पुनि चहूँ दुआरा ॥
suni suta bacana bharosā āvā | prīti sameta aṅka baiṭhāvā ||
karata bicāra bhayau bhinusārā | lāge kapi puni cahūm̐ duārā ||
कोपि कपिन्ह दुर्घट-गढ़ घेरा । नगर कोलाहल भयउ घनेरा ॥
बिबिधायुध-धर निसिचर धाये । गढ़ ते पर्वत-सिखर ढहाये ॥
kopi kapinha durghaṭa-gar̤ha gherā | nagara kolāhala bhayau ghanerā ||
bibidhāyudha-dhara nisicara dhāye | gar̤ha te parvata-sikhara ḍhahāye ||
ढाहे महीधर-सिखर-कोटिन्ह, बिबिध बिधि गोला चले ।
घहरात जिमि पबिपात गर्जत, जनु प्रलय के बादले ॥
मर्कट बिकट भट जुटत कटत न, लरत तनु जर्जर भए ।
गहि सैल तेइ गढ़ पर चलावहिं, जहँ सो तहँ निसिचर हये ॥
ḍhāhe mahīdhara-sikhara-koṭinha, bibidha bidhi golā cale |
ghaharāta jimi pabipāta garjata, janu pralaya ke bādale ||
markaṭa bikaṭa bhaṭa juṭata kaṭata na, larata tanu jarjara bhae |
gahi saila tei gar̤ha para calāvahiṃ, jaham̐ so taham̐ nisicara haye ||
मेघनाद सुनि श्रवन अस, गढ़ पुनि छेंका आइ ।
उतर्यो बीर दुर्ग तेँ बीर बर, सनमुख चलेउ बजाइ ॥
meghanāda suni śravana asa, gar̤ha puni cheṃkā āi |
utaryo bīra durga tem̐ bīra bara, sanamukha caleu bajāi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0