मैं तव दसन तोरिबे लायक । आयसु मोहि न दीन्ह रघुनायक ॥
अस रिस होत दसउ मुख तोरौं । लङ्का गहि समुद्र महँ बोरौं ॥
maiṃ tava dasana toribe lāyaka | āyasu mohi na dīnha raghunāyaka ||
asa risa hota dasau mukha torauṃ | laṅkā gahi samudra maham̐ borauṃ ||
Lanka Kanda
Chapter 34: Angada plants his foot, none can move it
9 verses · 34 of 121
What happens in this chapter
Angada plants his foot, none can move it
Angada says: I could break your teeth, but Raghunayak has not commanded it; I could sink Lanka, a fig with you as the insects inside. Ravana smiles: Bali never bragged so; you learned lying from ascetics. Call me a liar, says Angada, if I do not tear out your ten tongues. Remembering Rama's might, he plants his foot in the court and vows: if you can move my foot, Rama turns back and I lose Sita. Ravana orders his warriors to seize it. Meghanada and countless others strain with all their might, but the foot will not stir, and they sit down with bowed heads, as a worldly man cannot uproot the tree of delusion.
गूलरि-फल-समान तन लङ्का । बसहु मध्य तुम्ह जन्तु असङ्का ॥
मैं बानर फल खात न बारा । आयसु दीन्ह न राम उदारा ॥
gūlari-phala-samāna tana laṅkā | basahu madhya tumha jantu asaṅkā ||
maiṃ bānara phala khāta na bārā | āyasu dīnha na rāma udārā ||
जुगुति सुनत रावन मुसुकाई । मूढ़ लिखे कहँ बहुत झुठाई ॥
बालि न कबहुँ गाल अस मारा । मिलि तपसिन्ह तैं भएसि लवारा ॥
juguti sunata rāvana musukāī | mūr̤ha likhe kaham̐ bahuta jhuṭhāī ||
bāli na kabahum̐ gāla asa mārā | mili tapasinha taiṃ bhaesi lavārā ||
साँचेहु मैं लबार भुज बीहा । जौँ न उपारिउँ तव दस-जीहा ॥
समुझि राम प्रताप कपि कोपा । सभा माझ पन करि पद रोपा ॥
sām̐cehu maiṃ labāra bhuja bīhā | jaum̐ na upārium̐ tava dasa-jīhā ||
samujhi rāma pratāpa kapi kopā | sabhā mājha pana kari pada ropā ||
जौँ मल चरन सकसि सठ टारी । फिरहिं राम सीता मैं हारी ॥
सुनहु सुभट सब कह दससीसा । पद गहि धरनि पछारहु कीसा ॥
jaum̐ mala carana sakasi saṭha ṭārī | phirahiṃ rāma sītā maiṃ hārī ||
sunahu subhaṭa saba kaha dasasīsā | pada gahi dharani pachārahu kīsā ||
इन्द्रजीत आदिक बलवाना । हरषि उठे जहँ तहँ भट नाना ॥
झपटहिँ करि बल बिपुल उपाई । पद न टरइ बैठहिँ सिर नाई ॥
indrajīta ādika balavānā | haraṣi uṭhe jaham̐ taham̐ bhaṭa nānā ||
jhapaṭahim̐ kari bala bipula upāī | pada na ṭarai baiṭhahim̐ sira nāī ||
पुनि उठि झपटहिँ सुर आराती । टरइ न कीस चरन एहि भाँती ॥
पुरुष-कुजोगी जिमि उरगारी । मोह-बिटप नहिँ सकहिं उपारी ॥
puni uṭhi jhapaṭahim̐ sura ārātī | ṭarai na kīsa carana ehi bhām̐tī ||
puruṣa-kujogī jimi uragārī | moha-biṭapa nahim̐ sakahiṃ upārī ||
कोटिन्ह मेघनाद सम, सुभट उठे हरषाइ ।
झपटहिँ टरै न कपि-चरन, पुनि बैठहिँ सिर नाइ ॥
koṭinha meghanāda sama, subhaṭa uṭhe haraṣāi |
jhapaṭahim̐ ṭarai na kapi-carana, puni baiṭhahim̐ sira nāi ||
भूमि न छाँडत कपि-चरन, देखत रिपु-मद-भाग ।
कोटि चित्र ते सन्त कर, मन जिमि नीति न त्याग ॥
bhūmi na chām̐ḍata kapi-carana, dekhata ripu-mada-bhāga |
koṭi citra te santa kara, mana jimi nīti na tyāga ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0