7 verses · 33 of 121
Ravana commands: eat the bears and monkeys wherever you find them, rid the earth of monkeys, and take the two ascetic brothers alive. Angada answers in anger: are you not ashamed to boast? Cut your throat and die, shameless destroyer of your line. Thief of women, walker of crooked paths, lustful fool, you rave as in delirium; Time has you, man-eater. You will taste the fruit under the slaps of bears and monkeys, and your tongue will fall with your heads on the field. How is he a man who killed Bali with one arrow? You are blind with twenty eyes. Rama's arrows thirst for your blood; for fear of that I leave you alive.
एहि बिधि बेगि सूभट सब धावहु । खाहु भालु कपि जहँ जहँ पावहु ॥
मरकट-हीन करहु महि जाई । जियत धरहु तापस दोउ भाई ॥
ehi bidhi begi sūbhaṭa saba dhāvahu | khāhu bhālu kapi jaham̐ jaham̐ pāvahu ||
marakaṭa-hīna karahu mahi jāī | jiyata dharahu tāpasa dou bhāī ||
पुनि सकोप बोलेउ जुबराजा । गाल बजावत तोहि न लाजा ॥
मरु गर काटि निलज कुलघाती । बल बिलोकि बिहरति नहिँ छाती ॥
puni sakopa boleu jubarājā | gāla bajāvata tohi na lājā ||
maru gara kāṭi nilaja kulaghātī | bala biloki biharati nahim̐ chātī ||
रे त्रिय-चोर कुमारग-गामी । खल मल-रासि मन्द-मति कामी ॥
सन्यपात जल्पसि दुर्बादा । भएसि कालबस खल मनुजादा ॥
re triya-cora kumāraga-gāmī | khala mala-rāsi manda-mati kāmī ||
sanyapāta jalpasi durbādā | bhaesi kālabasa khala manujādā ||
याको फल पावहिगो आगें । बानर भालु-चपेटन्हि लागें ॥
राम-मनुज बोलत असि बानी । गिरहिं न तव रसना अभिमानी ॥
yāko phala pāvahigo āgeṃ | bānara bhālu-capeṭanhi lāgeṃ ||
rāma-manuja bolata asi bānī | girahiṃ na tava rasanā abhimānī ||
गिरिहहिं रसना संसय नाहीं । सिरन्हि समेत समर सहि माहीं ॥
girihahiṃ rasanā saṃsaya nāhīṃ | siranhi sameta samara sahi māhīṃ ||
सो नर क्यों दसकंध, बालि बध्यो जेहिं एक सर ।
बीसहुँ लोचन अन्ध, धिग तब जनम कुजाति जड़ ॥
so nara kyoṃ dasakaṃdha, bāli badhyo jehiṃ eka sara |
bīsahum̐ locana andha, dhiga taba janama kujāti jar̤a ||
तब सोनित की प्यास, तृषित राम सायक-निकर ।
तजउँ तोहि तेहि त्रास, कटु जल्पक निसिचर अधम ॥
taba sonita kī pyāsa, tṛṣita rāma sāyaka-nikara |
tajaum̐ tohi tehi trāsa, kaṭu jalpaka nisicara adhama ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
