11 verses · 23 of 121
Ravana sneers: who in your camp can face me? Your lord is weak with grief for his wife, his brother wretched; you and Sugriva are trees on a riverbank, my brother a coward, Jambavan too old, Nala and Nila mere builders. Only the monkey who burned the city is mighty. Angada laughs: a little monkey burned Ravana's city? Who would believe it? He is Sugriva's smallest runner, sent for news, who burned Lanka without orders and hid in fear. None of us is fit to fight you; enmity suits equals, and who praises a lion for killing frogs? Yet a Kshatriya's anger is hard. Stung, Ravana laughs: a monkey has one virtue, he toils for his master.
तुम्हरे कटक माझ सुनु अङ्गद । मो सन भिरिहि कवन जोधा बद ॥
तव प्रभु नारि-बिरहँ बल-हीना । अनुज तासु दुख दुखी मलीना ॥
tumhare kaṭaka mājha sunu aṅgada | mo sana bhirihi kavana jodhā bada ||
tava prabhu nāri-biraham̐ bala-hīnā | anuja tāsu dukha dukhī malīnā ||
तुम्ह सुग्रीव कूल-द्रुम दोऊ । अनुज हमार भीरु अति सोऊ ॥
जामवन्त मन्त्री अति बूढ़ा । सो कि होइ अब समरारूढ़ा ॥
tumha sugrīva kūla-druma doū | anuja hamāra bhīru ati soū ||
jāmavanta mantrī ati būr̤hā | so ki hoi aba samarārūr̤hā ||
सिल्पि-कर्म जानहिँ नल-नीला । है कपि एक महा-बल-सीला ॥
आवा प्रथम नगर जेंहिं जारा । सुनि हँसि बोलेउ बालिकुमारा ॥
silpi-karma jānahim̐ nala-nīlā | hai kapi eka mahā-bala-sīlā ||
āvā prathama nagara jeṃhiṃ jārā | suni ham̐si boleu bālikumārā ||
सत्य बचन कहु निसिचर-नाहा । साँचेहु कीस कीन्ह पुर-दाहा ॥
रावन नगर अलप कपि दहई । सुनि अस बचन सत्य को कहई ॥
satya bacana kahu nisicara-nāhā | sām̐cehu kīsa kīnha pura-dāhā ||
rāvana nagara alapa kapi dahaī | suni asa bacana satya ko kahaī ||
जो अति-सुभट सराहेहु रावन । सो सुग्रीव केर लघु-धावन ॥
चलइ बहुत सो बीर न होई । पठवा खबरि लेन हम सोई ॥
jo ati-subhaṭa sarāhehu rāvana | so sugrīva kera laghu-dhāvana ||
calai bahuta so bīra na hoī | paṭhavā khabari lena hama soī ||
सत्य नगर कपि जारेउ, बिनु प्रभु आयसु पाइ ।
फिरि न गयउ सुग्रीव पहिँ, तेहिं भय रहा लुकाइ ॥
satya nagara kapi jāreu, binu prabhu āyasu pāi |
phiri na gayau sugrīva pahim̐, tehiṃ bhaya rahā lukāi ||
सत्य कहहि दसकंठ सब, मोहि न सुनि कछु कोह ।
कोउ न हमारें कटक अस, तो सन लरत जो सोह ॥
satya kahahi dasakaṃṭha saba, mohi na suni kachu koha |
kou na hamāreṃ kaṭaka asa, to sana larata jo soha ||
प्रीति बिरोध समान सन, करिय नीति असि आहि ।
जौँ मृगपति बध मेड़ुकन्हि, अल कि कहइ कोउ ताहि ॥
prīti birodha samāna sana, kariya nīti asi āhi |
jaum̐ mṛgapati badha mer̤ukanhi, ala ki kahai kou tāhi ||
जदपि लघुता राम कहूँ, तोहि बधें बड़ दोष ।
तदपि कठिन दसकंठ सुनु, छत्र जाति कर रोष ॥
jadapi laghutā rāma kahūm̐, tohi badheṃ bar̤a doṣa |
tadapi kaṭhina dasakaṃṭha sunu, chatra jāti kara roṣa ||
बक्र-उक्ति धनु बचन-सर, हृदय दहेउ रिपु कीस ।
प्रतिउत्तर सड़सिन्ह मनहुँ, काढ़त भट दससीस ॥
bakra-ukti dhanu bacana-sara, hṛdaya daheu ripu kīsa |
pratiuttara sar̤asinha manahum̐, kār̤hata bhaṭa dasasīsa ||
हँसि बोलेउ दसमौलि तब, कपि कर बड़ गुन एक ।
जो प्रतिपालइ तासु हित, करइ उपाय अनेक ॥
ham̐si boleu dasamauli taba, kapi kara bar̤a guna eka |
jo pratipālai tāsu hita, karai upāya aneka ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
