सिव-बिरञ्चि-सुर-मुनि-समुदाई । चाहत जासु चरन-सेवकाई ॥
तासु दूत होइ हम कुल बोरा । अइसिहुँ मति उर बिहर न तोरा ॥
siva-birañci-sura-muni-samudāī | cāhata jāsu carana-sevakāī ||
tāsu dūta hoi hama kula borā | aisihum̐ mati ura bihara na torā ||
Lanka Kanda
Chapter 22: Angada mocks Ravana's claim to dharma
6 verses · 22 of 121
What happens in this chapter
Angada mocks Ravana's claim to dharma
Angada goes on: Shiva, Brahma and the munis long to serve Rama's feet, and you say his envoy ruins his line? Glaring, Ravana says: I bear your harsh words only because I know policy and dharma. Angada answers: I have heard of your piety, you who steal other men's wives, and saw it when you guarded an envoy. You saw your sister without ears and nose and forgave it out of dharma. I am lucky to see such righteousness. Ravana replies: stop prattling, dumb beast, look at my arms. The world guardians' strength is the moon and my arms are Rahu; my hands once held Kailash with Shambhu on it like a swan on lotuses.
सुनि कठोर बानी कपि केरी । कहत दसानन नयन तरेरी ॥
खल तव कठिन बचन सब सहऊँ । नीति धरम मैं जानत अहऊँ ॥
suni kaṭhora bānī kapi kerī | kahata dasānana nayana tarerī ||
khala tava kaṭhina bacana saba sahaūm̐ | nīti dharama maiṃ jānata ahaūm̐ ||
कह कपि धर्मसीलता तोरी । हमहुँ सुनी कृत पर-त्रिय-चोरी ॥
देखी नयन दूत रखवारी । बूडि न मरहु धर्म ब्रतधारी ॥
kaha kapi dharmasīlatā torī | hamahum̐ sunī kṛta para-triya-corī ||
dekhī nayana dūta rakhavārī | būḍi na marahu dharma bratadhārī ||
कान नाक बिनु भगिनि निहारी । छमा कीन्हि तुम्ह धरम बिचारी ॥
धर्मसीलता तब जग जागी । पावा दरस हमहुँ बड़ भागी ॥
kāna nāka binu bhagini nihārī | chamā kīnhi tumha dharama bicārī ||
dharmasīlatā taba jaga jāgī | pāvā darasa hamahum̐ bar̤a bhāgī ||
जनि जल्पसि जड़ जन्तु कपि, सठ बिलोकु मम बाहु ।
लोकपाल बल बिपुल ससि, ग्रसन हेतु सब राहु ॥
jani jalpasi jar̤a jantu kapi, saṭha biloku mama bāhu |
lokapāla bala bipula sasi, grasana hetu saba rāhu ||
पुनि नभ-सर मम-कर-निकर, कमलन्हि पर करि बास ।
सोभत भयउ मराल इव, सम्भु सहित कैलास ॥
puni nabha-sara mama-kara-nikara, kamalanhi para kari bāsa |
sobhata bhayau marāla iva, sambhu sahita kailāsa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0