बन्दि चरन उर धरि प्रभुताई । अङ्गद चलेउ सबहि सिर नाई ॥
प्रभु प्रताप उर सहज असङ्का । रन-बांकुरा बालि-सुत बङ्का ॥
bandi carana ura dhari prabhutāī | aṅgada caleu sabahi sira nāī ||
prabhu pratāpa ura sahaja asaṅkā | rana-bāṃkurā bāli-suta baṅkā ||
Lanka Kanda
Chapter 18: Angada enters Lanka and slays Ravana's son
6 verses · 18 of 121
What happens in this chapter
Angada enters Lanka and slays Ravana's son
Angada bows to all and sets out, the Lord's might in his heart, fearless by nature. Entering Lanka he meets a son of Ravana at play. Word leads to word and the quarrel grows, both young and matchless in strength. The rakshasa raises his foot to kick Angada; Angada seizes the foot, whirls him round and dashes him to the ground. The rakshasas flee, too frightened even to cry out, and keep the prince's death to themselves. Uproar fills the city: the monkey who burned Lanka is back. In terror people show him the way unasked. Remembering Rama's feet, Angada reaches the court gate and looks about like a lion.
पुर पैठत रावन कर बेटा । खेलत रहा सो होइ गइ भैंटा ॥
बातहिं बात करष बढ़ि आई । जुगल-अतुल-बल पुनि तरुनाई ॥
pura paiṭhata rāvana kara beṭā | khelata rahā so hoi gai bhaiṃṭā ||
bātahiṃ bāta karaṣa bar̤hi āī | jugala-atula-bala puni tarunāī ||
तेहि अङ्गद कहुँ लात उठाई । गहि पद पटकेउ भूमि भवाँई ॥
निसिचर-निकर देखि भट भारी । जहँ तहँ चले न सकहिँ पुकारी ॥
tehi aṅgada kahum̐ lāta uṭhāī | gahi pada paṭakeu bhūmi bhavām̐ī ||
nisicara-nikara dekhi bhaṭa bhārī | jaham̐ taham̐ cale na sakahim̐ pukārī ||
एक एक सन मरम न कहहीँ । समुझि तासु बध चुप करि रहहीं ॥
भयउ कोलाहल नगर मझारी । आवा कपि लङ्का जेहि जारी ॥
eka eka sana marama na kahahīm̐ | samujhi tāsu badha cupa kari rahahīṃ ||
bhayau kolāhala nagara majhārī | āvā kapi laṅkā jehi jārī ||
अब धौँ काह करिहि करतारा । अति-सभीत सब करहिँ बिचारा ॥
बिनु पूछें मग देहिँ देखाई । जेहि बिलोक सोइ जाइ सुखाई ॥
aba dhaum̐ kāha karihi karatārā | ati-sabhīta saba karahim̐ bicārā ||
binu pūcheṃ maga dehim̐ dekhāī | jehi biloka soi jāi sukhāī ||
गयउ सभा दरबार तब, सुमिरि राम-पद-कञ्ज ।
सिंह-ठवनि इत उत चितव, धीर-बीर-बल-पुञ्ज ॥
gayau sabhā darabāra taba, sumiri rāma-pada-kañja |
siṃha-ṭhavani ita uta citava, dhīra-bīra-bala-puñja ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0