अध्याय 18: अंगद लंका में प्रवेश कर रावणपुत्र को मारते हैं

बन्दि चरन उर धरि प्रभुताई । अङ्गद चलेउ सबहि सिर नाई ॥
प्रभु प्रताप उर सहज असङ्का । रन-बांकुरा बालि-सुत बङ्का ॥

bandi carana ura dhari prabhutāī | aṅgada caleu sabahi sira nāī ||
prabhu pratāpa ura sahaja asaṅkā | rana-bāṃkurā bāli-suta baṅkā ||

पुर पैठत रावन कर बेटा । खेलत रहा सो होइ गइ भैंटा ॥
बातहिं बात करष बढ़ि आई । जुगल-अतुल-बल पुनि तरुनाई ॥

pura paiṭhata rāvana kara beṭā | khelata rahā so hoi gai bhaiṃṭā ||
bātahiṃ bāta karaṣa bar̤hi āī | jugala-atula-bala puni tarunāī ||

तेहि अङ्गद कहुँ लात उठाई । गहि पद पटकेउ भूमि भवाँई ॥
निसिचर-निकर देखि भट भारी । जहँ तहँ चले न सकहिँ पुकारी ॥

tehi aṅgada kahum̐ lāta uṭhāī | gahi pada paṭakeu bhūmi bhavām̐ī ||
nisicara-nikara dekhi bhaṭa bhārī | jaham̐ taham̐ cale na sakahim̐ pukārī ||

एक एक सन मरम न कहहीँ । समुझि तासु बध चुप करि रहहीं ॥
भयउ कोलाहल नगर मझारी । आवा कपि लङ्का जेहि जारी ॥

eka eka sana marama na kahahīm̐ | samujhi tāsu badha cupa kari rahahīṃ ||
bhayau kolāhala nagara majhārī | āvā kapi laṅkā jehi jārī ||

अब धौँ काह करिहि करतारा । अति-सभीत सब करहिँ बिचारा ॥
बिनु पूछें मग देहिँ देखाई । जेहि बिलोक सोइ जाइ सुखाई ॥

aba dhaum̐ kāha karihi karatārā | ati-sabhīta saba karahim̐ bicārā ||
binu pūcheṃ maga dehim̐ dekhāī | jehi biloka soi jāi sukhāī ||