इहाँ प्रात जागे रघुराई । पूछा मत सब सचिव बोलाई ॥
कहहु बेगि का करिय उपाई । जामवन्त कह पद सिर नाई ॥
ihām̐ prāta jāge raghurāī | pūchā mata saba saciva bolāī ||
kahahu begi kā kariya upāī | jāmavanta kaha pada sira nāī ||
Lanka Kanda
Chapter 17: Angada chosen as Shri Rama's envoy
6 verses · 17 of 121
What happens in this chapter
Angada chosen as Shri Rama's envoy
At dawn Raghurai calls his counsellors and asks what should be done. Jambavan bows: you know all and dwell in every heart, yet I give my counsel as I see it; send Bali's son as envoy. All agree. The Lord tells Angada: son of Bali, home of wit and strength, go to Lanka on my work. I know you are able. Speak with the enemy so that our work is done and his good is served too. Angada takes the command on his head and rises. He thinks: whomever Rama favours becomes an ocean of virtue; the Lord's work is already done, he has only honoured me. His body thrills with joy.
सुनु सर्वज्ञ-सकल-उर-बासी । बुधि बल तेज धरम गुन रासी ॥
मन्त्र कहउँ निज-मति अनुसारा । दूत पठाइअ बालिकुमारा ॥
sunu sarvajña-sakala-ura-bāsī | budhi bala teja dharama guna rāsī ||
mantra kahaum̐ nija-mati anusārā | dūta paṭhāia bālikumārā ||
नीक मंत्र सब के मन माना । अङ्गद सन कह कृपानिधाना ॥
बालि-तनय बुधि बल गुन धामा । लङ्का जाहु तात मम कामा ॥
nīka maṃtra saba ke mana mānā | aṅgada sana kaha kṛpānidhānā ||
bāli-tanaya budhi bala guna dhāmā | laṅkā jāhu tāta mama kāmā ||
बहुत बुझाइ तुम्हहिँ का कहऊँ । परम-चतुर मैं जानत अहऊँ ॥
काज हमार तासु हित होई । रिपु सन करेहु बतकही सोई ॥
bahuta bujhāi tumhahim̐ kā kahaūm̐ | parama-catura maiṃ jānata ahaūm̐ ||
kāja hamāra tāsu hita hoī | ripu sana karehu batakahī soī ||
प्रभु अज्ञा धरि लोस, चरन बन्दि अङ्गद उठेउ ।
सोइ गुन-सागर-ईस, राम कृपा जा पर करहु ॥
prabhu ajñā dhari losa, carana bandi aṅgada uṭheu |
soi guna-sāgara-īsa, rāma kṛpā jā para karahu ||
स्वयं-सिद्ध सब काज नाथ मोहि आदर दियउ ।
अस बिचारि जुबराज, तनु पुलकित हरषित हिये ॥
svayaṃ-siddha saba kāja nātha mohi ādara diyau |
asa bicāri jubarāja, tanu pulakita haraṣita hiye ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0