प्रभु हनुमन्तहि कहा बुझाई । धरि बटु-रूप अवधपुर जाई ॥
भरतहि कुसल हमार सुनाएहु । समाचार लेइ तुम्ह चलि आयहु ॥
prabhu hanumantahi kahā bujhāī | dhari baṭu-rūpa avadhapura jāī ||
bharatahi kusala hamāra sunāehu | samācāra lei tumha cali āyahu ||
Lanka Kanda
Chapter 121: Guha's embrace and the fruit of this katha
इति श्रीरामचरितमानसे सकल कलिकलुष विध्वंसने विशुद्ध सन्तोष सम्पादनो नाम षष्ठः सोपानः समाप्तः।
10 verses · 121 of 121
What happens in this chapter
Guha's embrace and the fruit of this katha
Rama sends Hanuman ahead to Ayodhya in the form of a young brahmachari, with news for Bharata, and visits Bharadvaja, who blesses him. Hearing that the Lord has come, the Nishada chief Guha calls for boats. The vimana crosses the Ganga and lands; Sita worships the river and falls at her feet, and Ganga blesses her: may your married fortune never break. Guha runs up, sees the Lord with Vaidehi and falls senseless. Rama lifts him and holds him to his heart as he would Bharata. Tulsidas closes the kanda: to whoever hears of Raghubira's victory, the Lord grants victory, discernment and prosperity. In this Kali age, he tells his monkey mind, there is no support but the name of Shri Raghunatha.
तुरत पवनसुत गवनत भयऊ । तब प्रभु भरद्वाज पहिँ गयऊ ॥
नाना विधि सुनि पूजा कीन्ही । अस्तुति करि पुनि आसिष दीन्ही ॥
turata pavanasuta gavanata bhayaū | taba prabhu bharadvāja pahim̐ gayaū ||
nānā vidhi suni pūjā kīnhī | astuti kari puni āsiṣa dīnhī ||
मुनि-पद बन्दि जुगल कर जोरी । चढ़ि बिमान प्रभु चले बहोरी ॥
इहाँ निषाद सुना प्रभु आये । नाव नाव कहि लोग बोलाए ॥
muni-pada bandi jugala kara jorī | car̤hi bimāna prabhu cale bahorī ||
ihām̐ niṣāda sunā prabhu āye | nāva nāva kahi loga bolāe ||
सुरसरि नाँघि जान जब आयो । उतरेउ तट प्रभु आयसु पायो ॥
तब सीतां पूजी सुरसरी । बहु प्रकार पुनि चरनन्हि परी ॥
surasari nām̐ghi jāna jaba āyo | utareu taṭa prabhu āyasu pāyo ||
taba sītāṃ pūjī surasarī | bahu prakāra puni carananhi parī ||
दीन्हि असीस हरषि मन गङ्गा । सुन्दरि तव अहिवात अभङ्गा ॥
सुनत गुहा धायउ प्रेमाकुल । आयउ निकट परम सुख-सङ्कुल ॥
dīnhi asīsa haraṣi mana gaṅgā | sundari tava ahivāta abhaṅgā ||
sunata guhā dhāyau premākula | āyau nikaṭa parama sukha-saṅkula ||
प्रभुहि सहित बिलोकि बैदेही । परेउ अवनि तन सुधि नहिँ तेही ॥
प्रीति परम बिलोकि रघुराई । हरषि उठाइ लियो उर लाई ॥
prabhuhi sahita biloki baidehī | pareu avani tana sudhi nahim̐ tehī ||
prīti parama biloki raghurāī | haraṣi uṭhāi liyo ura lāī ||
लियो हृदयँ लाइ कृपा निधान सुजान रायँ रमापती ।
बैठारि परम-समीप बूझी, कुसल सो कर बीनती ॥
अब कुसल पद-पङ्कज बिलोकि बिरञ्चि-सङ्कर-सेव्य जे ।
सुख-धाम पूरन-काम राम नमामि राम नमामि ते ॥
liyo hṛdayam̐ lāi kṛpā nidhāna sujāna rāyam̐ ramāpatī |
baiṭhāri parama-samīpa būjhī, kusala so kara bīnatī ||
aba kusala pada-paṅkaja biloki birañci-saṅkara-sevya je |
sukha-dhāma pūrana-kāma rāma namāmi rāma namāmi te ||
सब भाँति अधम निषाद से हरि, भरत ज्योँ उर लाइयो ।
मति मन्द तुलसीदास से प्रभु, मोह-बस बिसराइयो ॥
यह रावनारि चरित्र पावन राम-पद-रति-प्रद सदा ।
कामादि-हर बिज्ञान-कर, सुर सिद्ध मुनि गावहिं मुदा ॥
saba bhām̐ti adhama niṣāda se hari, bharata jyom̐ ura lāiyo |
mati manda tulasīdāsa se prabhu, moha-basa bisarāiyo ||
yaha rāvanāri caritra pāvana rāma-pada-rati-prada sadā |
kāmādi-hara bijñāna-kara, sura siddha muni gāvahiṃ mudā ||
समर बिजय रघुबीर के, चरित जे सुनहिं सुजान ।
बिजय-बिबेक बिभूति नित, तिन्हहिं देहिँ भगवान ॥
samara bijaya raghubīra ke, carita je sunahiṃ sujāna |
bijaya-bibeka bibhūti nita, tinhahiṃ dehim̐ bhagavāna ||
यह कलिकाल मलायतन, मन कपि देखु बिचार ।
श्रीरघुनाथ-नाम तजि, नाहि न आन अधार ॥
yaha kalikāla malāyatana, mana kapi dekhu bicāra |
śrīraghunātha-nāma taji, nāhi na āna adhāra ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0