अब सोइ जतन करहु तुम्ह ताता । देखउँ नयन स्याम मृदु गाता ॥
तब हनुमान राम पहिँ जाई । जनक-सुता के कुसल सुनाई ॥
aba soi jatana karahu tumha tātā | dekhaum̐ nayana syāma mṛdu gātā ||
taba hanumāna rāma pahim̐ jāī | janaka-sutā ke kusala sunāī ||
Lanka Kanda
Chapter 108: Sita is brought on foot before Rama
8 verses · 108 of 121
What happens in this chapter
Sita is brought on foot before Rama
Sita asks Hanuman to arrange that she may soon see the Lord. Hearing her news, Rama sends Angada and Vibhishana with Hanuman to bring her with honour. The rakshasa women bathe and adorn her and bring a palanquin, and Sita mounts it, remembering Rama. When the bears and monkeys crowd in to see her, the guards drive them back. Raghubira says: friend, bring Sita on foot, and let the monkeys look on her as on their mother. The monkeys rejoice and the devas shower flowers. Rama, the witness within, had earlier placed the real Sita in the fire and now wished to bring her out. For that reason the ocean of mercy speaks a few harsh words, and the rakshasa women begin to grieve.
सुनि सन्देस भानुकुलभूषन । बोलि लिये जुबराज बिभीषन ॥
मारुतसुत के सङ्ग सिधावहु । सादर जनक-सुतहि लेइ आवहु ॥
suni sandesa bhānukulabhūṣana | boli liye jubarāja bibhīṣana ||
mārutasuta ke saṅga sidhāvahu | sādara janaka-sutahi lei āvahu ||
तुरतहिं सकल गये जहँ सीता । सेवहिँ सब निसिचरीं बिनीता ॥
बेगि बिभीषन तिन्हहि सिखायो । सोदर तिन्ह सीतहिं अन्हवावा ॥
turatahiṃ sakala gaye jaham̐ sītā | sevahim̐ saba nisicarīṃ binītā ||
begi bibhīṣana tinhahi sikhāyo | sodara tinha sītahiṃ anhavāvā ||
बहु प्रकार भूषन पहिरायें । सिबिका रुचिर साजि पुनि ल्याए ॥
ता पर हरषि चढ़ी बैदेही । सुमिरि राम-सुख धाम सनेही ॥
bahu prakāra bhūṣana pahirāyeṃ | sibikā rucira sāji puni lyāe ||
tā para haraṣi car̤hī baidehī | sumiri rāma-sukha dhāma sanehī ||
बेतपानि-रच्छक चहुँ पासा । चले सकल मन परम-हुलासा ॥
देखन भालु कीस सब आये । रच्छक कोपि निवारन धाए ॥
betapāni-racchaka cahum̐ pāsā | cale sakala mana parama-hulāsā ||
dekhana bhālu kīsa saba āye | racchaka kopi nivārana dhāe ||
कह रघुबीर कहा मम मानहु । सीतहि सखा पयादें आनहु ॥
देखहि कपि जननी की नाँई । बिहँसि कहा रघुनाथ गोसाँई ॥
kaha raghubīra kahā mama mānahu | sītahi sakhā payādeṃ ānahu ||
dekhahi kapi jananī kī nām̐ī | biham̐si kahā raghunātha gosām̐ī ||
सुनि प्रभु बचन भालु कपि हरषे । नभ तें सुरन्ह सुमन बहु बरषे ॥
सीता प्रथम अनल मह राखी । प्रगट कीन्ह चह अन्तर-साखी ॥
suni prabhu bacana bhālu kapi haraṣe | nabha teṃ suranha sumana bahu baraṣe ||
sītā prathama anala maha rākhī | pragaṭa kīnha caha antara-sākhī ||
तेहि कारन करुना निधि, कहे कछुक दुर्बाद ।
सुनत जातुधानीं सब लागीँ करन बिषाद ॥
tehi kārana karunā nidhi, kahe kachuka durbāda |
sunata jātudhānīṃ saba lāgīm̐ karana biṣāda ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0