8 verses · 101 of 121
Ravana's deception brings out vetalas, bhutas and pishachas with bows, and yoginis holding human skulls, drinking blood and dancing. Cries of seize and kill fill every side. Wherever the monkeys run they find fire, then a rain of sand. Ravana roars again, and Lakshmana, Sugriva and the heroes fall senseless, crying, ah Rama. Then he makes many false Hanumans, who ring Rama with raised tails; the dark Lord stands among them like a tamala tree circled by rainbows. With one arrow Raghubira removes the maya. Tulsidas says that even Sharada and the Vedas, singing for kalpas, could not reach the end of this battle. The heads and arms are cut many times, yet Ravana does not die.
जब कीन्ह तेहिं पाखंड । भए प्रगट जन्तु प्रचंड ।
बेताल भूत पिसाच । कर धरें धनु नाराच ॥
जोगिनि गहें करबाल । एक हाथ मनुज-कपाल ।
करि सद्य सोनित पान । नाचहिँ कहिँ बहु गान ॥
jaba kīnha tehiṃ pākhaṃḍa | bhae pragaṭa jantu pracaṃḍa |
betāla bhūta pisāca | kara dhareṃ dhanu nārāca ||
jogini gaheṃ karabāla | eka hātha manuja-kapāla |
kari sadya sonita pāna | nācahim̐ kahim̐ bahu gāna ||
धरु मारू बोलहिँ घोर । रहि पूरि धुनि चहुँ और ।
मुख बाइ धावहिँ खान । तब लगे कीस परान ॥
जहँ जाहिँ मर्कट भागि । तहँ धरत देखहिँ आगि ।
भये बिकल बानर भालु । पुनि लाग बरषै बालु ॥
dharu mārū bolahim̐ ghora | rahi pūri dhuni cahum̐ aura |
mukha bāi dhāvahim̐ khāna | taba lage kīsa parāna ||
jaham̐ jāhim̐ markaṭa bhāgi | taham̐ dharata dekhahim̐ āgi |
bhaye bikala bānara bhālu | puni lāga baraṣai bālu ||
जहँ तहँ थकित करि कीस । गर्जेउ बहुरि दससीस ।
लछिमन कपीस समेत । भये सकल बीर अचेत ॥
हा राम हा रघुनाथ । कहि सुभट मीजहिँ हाथ ।
एहि बिधि सकल बल तोरि । तेहिं कीन्ह कपट बहोरि ॥
jaham̐ taham̐ thakita kari kīsa | garjeu bahuri dasasīsa |
lachimana kapīsa sameta | bhaye sakala bīra aceta ||
hā rāma hā raghunātha | kahi subhaṭa mījahim̐ hātha |
ehi bidhi sakala bala tori | tehiṃ kīnha kapaṭa bahori ||
प्रगटेसि बिपुल हनुमान । धाये गये पाषाण ।
तिन्ह राम घेरे जाइ । चहुँ दिसि बरूथ बनाइ ॥
मारहु धरहु जनि जाइ । कटकटहिँ पूँछ उठाइ ।
दहँ-दिसि लंगूर बिराज । तेहिं मध्य कोसल राज ॥
pragaṭesi bipula hanumāna | dhāye gaye pāṣāṇa |
tinha rāma ghere jāi | cahum̐ disi barūtha banāi ||
mārahu dharahu jani jāi | kaṭakaṭahim̐ pūm̐cha uṭhāi |
daham̐-disi laṃgūra birāja | tehiṃ madhya kosala rāja ||
तेहिं मध्य कोसलराज सुन्दर, स्याम तनु सोभा लही ।
जनु इन्द्रधनुष अनेक की बर, बारि तुङ्ग तमालही ॥
प्रभु देखि हरष बिषाद उर सुर, बढ़त जय जय जय करी ।
रघुबीर एकहि तीर कोपि निमेष महँ माया हरी ॥
tehiṃ madhya kosalarāja sundara, syāma tanu sobhā lahī |
janu indradhanuṣa aneka kī bara, bāri tuṅga tamālahī ||
prabhu dekhi haraṣa biṣāda ura sura, bar̤hata jaya jaya jaya karī |
raghubīra ekahi tīra kopi nimeṣa maham̐ māyā harī ||
माया बिगत कपि भालु हरषे, बिटप गिरि गहि सब फिरे ।
सर निकर छाड़े राम रावन, बाहु-सिर पुनि महि गिरे ॥
श्रीराम रावन समर चरित अनेक कल्प जो गावहीँ ।
सत सेन सारद निगम कबि तेउ, तदपि पार न पावहीं ॥
māyā bigata kapi bhālu haraṣe, biṭapa giri gahi saba phire |
sara nikara chār̤e rāma rāvana, bāhu-sira puni mahi gire ||
śrīrāma rāvana samara carita aneka kalpa jo gāvahīm̐ |
sata sena sārada nigama kabi teu, tadapi pāra na pāvahīṃ ||
ताके गुन गन कछु कहे, जड़-मति तुलसीदास ।
जिमि निज-बल अनुसार जिमि, माछी उड़इ अकास ॥
tāke guna gana kachu kahe, jar̤a-mati tulasīdāsa |
jimi nija-bala anusāra jimi, māchī ur̤ai akāsa ||
काटे सिर भुज बार बहु, भरत न भट लंकेस ।
प्रभु क्रीड़त सुर सिद्ध मुनि, व्याकुल देखि कलेस ॥
kāṭe sira bhuja bāra bahu, bharata na bhaṭa laṃkesa |
prabhu krīr̤ata sura siddha muni, vyākula dekhi kalesa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
