अस कहि बहुत भाँति समुझाई । पुनि त्रिजटा निज भवन सिधाई ॥
राम सुभाउ सुमिरि बैदेही । उपजी बिरह बिथा अति तेही ॥
asa kahi bahuta bhām̐ti samujhāī | puni trijaṭā nija bhavana sidhāī ||
rāma subhāu sumiri baidehī | upajī biraha bithā ati tehī ||
Lanka Kanda
Chapter 100: Sita's long night; Ravana returns at dawn
8 verses · 100 of 121
What happens in this chapter
Sita's long night; Ravana returns at dawn
Trijata consoles Sita in many ways and goes home. Remembering Rama's nature, Sita is overcome by the pain of separation. She reproaches the night and the moon; the night feels like an age and will not end. When the burning is at its worst, her left eye and arm throb; taking it as a good omen, she steadies herself: now the merciful Raghubira will come. At midnight Ravana wakes and rages at his charioteer: fool, you took me from the battlefield; shame on you. At dawn Ravana mounts his chariot and charges again. The monkeys rush in with hills and trees. They drive off the rakshasas, surround Ravana and rend him with their nails. Seeing their strength, Ravana vanishes and spreads his maya.
निसिहि ससिहि निन्दति बहु भाँती । जुग सम भई सिराति न राती ॥
करति बिलाप मनहिं मन भारी । राम-विरह जानकी दुखारी ॥
nisihi sasihi nindati bahu bhām̐tī | juga sama bhaī sirāti na rātī ||
karati bilāpa manahiṃ mana bhārī | rāma-viraha jānakī dukhārī ||
जब अति भयउ बिरह उर दाहू । फरकेउ बाम नयन अरु बाहू ॥
सगुन बिचारि धरी सन धीरा । अब मिलिहहिँ कृपाल रघुबीरा ॥
jaba ati bhayau biraha ura dāhū | pharakeu bāma nayana aru bāhū ||
saguna bicāri dharī sana dhīrā | aba milihahim̐ kṛpāla raghubīrā ||
इहाँ अर्ध निसि रावन जागा । निज सारथि सन खीझन लागा ॥
सठ रनभूमि छड़ाइसि मोही । धिग धिग अधम मन्दमति तोही ॥
ihām̐ ardha nisi rāvana jāgā | nija sārathi sana khījhana lāgā ||
saṭha ranabhūmi char̤āisi mohī | dhiga dhiga adhama mandamati tohī ||
तेहिं पद-गहि बहु विधि समुझावा । भोर भये रथ चढ़ि पुनि धावा ॥
सुनि आगमन दसानन केरा । कपि दल खरभर भयउ घनेरा ॥
tehiṃ pada-gahi bahu vidhi samujhāvā | bhora bhaye ratha car̤hi puni dhāvā ||
suni āgamana dasānana kerā | kapi dala kharabhara bhayau ghanerā ||
जहँ तहँ भूधर-बिटप उपारी । धाए कटकटाइ भट भारी ॥
jaham̐ taham̐ bhūdhara-biṭapa upārī | dhāe kaṭakaṭāi bhaṭa bhārī ||
धाए जो मर्कट बिकट भालु, कराल कर भूधर धरा ।
अति-कोपि करहिं प्रहार मारत, भजि चले रजनीचरा ॥
बिचलाइ दल बलवन्त कीसन्ह, घेरि पुनि राबन लियो ।
चहुँ दिसि चपेटन्हि मारि नखन्हि बिदारि तनु ब्याकुल कियो ॥
dhāe jo markaṭa bikaṭa bhālu, karāla kara bhūdhara dharā |
ati-kopi karahiṃ prahāra mārata, bhaji cale rajanīcarā ||
bicalāi dala balavanta kīsanha, gheri puni rābana liyo |
cahum̐ disi capeṭanhi māri nakhanhi bidāri tanu byākula kiyo ||
देखि महा मर्कट प्रबल, रावन कीन्ह विचार ।
अन्तरहित होइ निमिष मह, कृत माया विस्तार ॥
dekhi mahā markaṭa prabala, rāvana kīnha vicāra |
antarahita hoi nimiṣa maha, kṛta māyā vistāra ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0