अध्याय 100: सीता की लम्बी रात, भोर में रावण का लौटना

अस कहि बहुत भाँति समुझाई । पुनि त्रिजटा निज भवन सिधाई ॥
राम सुभाउ सुमिरि बैदेही । उपजी बिरह बिथा अति तेही ॥

asa kahi bahuta bhām̐ti samujhāī | puni trijaṭā nija bhavana sidhāī ||
rāma subhāu sumiri baidehī | upajī biraha bithā ati tehī ||

निसिहि ससिहि निन्दति बहु भाँती । जुग सम भई सिराति न राती ॥
करति बिलाप मनहिं मन भारी । राम-विरह जानकी दुखारी ॥

nisihi sasihi nindati bahu bhām̐tī | juga sama bhaī sirāti na rātī ||
karati bilāpa manahiṃ mana bhārī | rāma-viraha jānakī dukhārī ||

जब अति भयउ बिरह उर दाहू । फरकेउ बाम नयन अरु बाहू ॥
सगुन बिचारि धरी सन धीरा । अब मिलिहहिँ कृपाल रघुबीरा ॥

jaba ati bhayau biraha ura dāhū | pharakeu bāma nayana aru bāhū ||
saguna bicāri dharī sana dhīrā | aba milihahim̐ kṛpāla raghubīrā ||

इहाँ अर्ध निसि रावन जागा । निज सारथि सन खीझन लागा ॥
सठ रनभूमि छड़ाइसि मोही । धिग धिग अधम मन्दमति तोही ॥

ihām̐ ardha nisi rāvana jāgā | nija sārathi sana khījhana lāgā ||
saṭha ranabhūmi char̤āisi mohī | dhiga dhiga adhama mandamati tohī ||

तेहिं पद-गहि बहु विधि समुझावा । भोर भये रथ चढ़ि पुनि धावा ॥
सुनि आगमन दसानन केरा । कपि दल खरभर भयउ घनेरा ॥

tehiṃ pada-gahi bahu vidhi samujhāvā | bhora bhaye ratha car̤hi puni dhāvā ||
suni āgamana dasānana kerā | kapi dala kharabhara bhayau ghanerā ||

जहँ तहँ भूधर-बिटप उपारी । धाए कटकटाइ भट भारी ॥

jaham̐ taham̐ bhūdhara-biṭapa upārī | dhāe kaṭakaṭāi bhaṭa bhārī ||