अनुज क्रिया करि सागर तीरा । कह निज कथा सुनहु कपि बीरा ॥
हम दोउ बन्धु प्रथम तरुनाई । गगन गये रबि निकट उड़ाई ॥
anuja kriyā kari sāgara tīrā | kaha nija kathā sunahu kapi bīrā ||
hama dou bandhu prathama tarunāī | gagana gaye rabi nikaṭa ur̤āī ||
Kishkindha Kanda
Chapter 28: Sampati's story and the sight of Lanka
7 verses · 28 of 30
What happens in this chapter
Sampati's story and the sight of Lanka
After the water rites for his brother, Sampati tells his tale. In youth we two flew up toward the sun; Jatayu turned back, but I in pride flew nearer, my wings burned, and I fell screaming to earth. The sage Chandrama pitied me, taught me and freed me from pride in the body. He foretold that in Treta Brahman would take human form, the rakshasa king would steal His wife, and meeting the Lord's messengers I would be purified, regain my wings, and show them Sita. That word is fulfilled today. Lanka stands on Mount Trikuta, where Ravana lives fearless, and Sita sits grieving in the Ashoka grove. I see her, though you cannot. I am old, or I would help you.
तेज न सहि सक सो फिरि आवा । मैं अभिमानी रबि निअरावा ॥
जरे पंख अति तेज अपारा । परेउँ भूमि करि घोर चिकारा ॥
teja na sahi saka so phiri āvā | maiṃ abhimānī rabi niarāvā ||
jare paṃkha ati teja apārā | pareum̐ bhūmi kari ghora cikārā ||
मुनि एक नाम चन्द्रमा ओही । लागी दया देखि करि मोही ॥
बहु प्रकार तेहि ज्ञान सुनावा । देह-जनित-अभिमानी छड़ावा ॥
muni eka nāma candramā ohī | lāgī dayā dekhi kari mohī ||
bahu prakāra tehi jñāna sunāvā | deha-janita-abhimānī char̤āvā ||
त्रेताँ ब्रह्म मनुज तनु धरिहीं । तासु नारि निसिचर-पति हरिहीं ॥
तासु खोज पठइहि प्रभू दूता । तिन्हहिँ मिलें तैं होब पुनीता ॥
tretām̐ brahma manuja tanu dharihīṃ | tāsu nāri nisicara-pati harihīṃ ||
tāsu khoja paṭhaihi prabhū dūtā | tinhahim̐ mileṃ taiṃ hoba punītā ||
जमिहहिं पंख करसि जनि चिन्ता । तिन्हहिँ देखाइ देहेसु तैं सीता ॥
मुनि कइ गिरा सत्य भइ आजू । सुनि मम बचन करहु प्रभु काजू ॥
jamihahiṃ paṃkha karasi jani cintā | tinhahim̐ dekhāi dehesu taiṃ sītā ||
muni kai girā satya bhai ājū | suni mama bacana karahu prabhu kājū ||
गिरि-त्रिकूट ऊपर बस लङ्का । तहँ रह रावन सहज असङ्का ॥
तहँ असोक-उपबन जहँ रहई । सीता बैठि सोच-रत अहई ॥
giri-trikūṭa ūpara basa laṅkā | taham̐ raha rāvana sahaja asaṅkā ||
taham̐ asoka-upabana jaham̐ rahaī | sītā baiṭhi soca-rata ahaī ||
मैं देखउँ तुम्ह नाही, गीधहि दृष्टि अपार ।
बूढ भयउँ न त करतेउँ, कछुक सहाय तुम्हार ॥
maiṃ dekhaum̐ tumha nāhī, gīdhahi dṛṣṭi apāra |
būḍha bhayaum̐ na ta karateum̐, kachuka sahāya tumhāra ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0