चरन नाइ सिर बिनती कीन्ही । लछिमन अभय बाँह तेहि दीन्ही ॥
क्रोधवन्त लछिमन सुनि काना । कह कपीस अति भयं अकुलाना ॥
carana nāi sira binatī kīnhī | lachimana abhaya bām̐ha tehi dīnhī ||
krodhavanta lachimana suni kānā | kaha kapīsa ati bhayaṃ akulānā ||
Kishkindha Kanda
Chapter 20: Tara and Hanuman calm Lakshmana
6 verses · 20 of 30
What happens in this chapter
Tara and Hanuman calm Lakshmana
Angada bows his head at Lakshmana's feet and pleads, and Lakshmana gives him the assurance of his arm. Sugriva is beside himself with fear. Hanuman, he says, take Tara with you and calm the prince with humble words. Hanuman and Tara bow at his feet, sing the Lord's glory, and lead him into the palace, where they wash his feet and seat him on a couch. Sugriva bows at his feet, and Lakshmana takes him by the arm and embraces him. Lord, he says, there is no intoxication like the senses; in a moment they delude even a sage's mind. Lakshmana, pleased, counsels him, and hears from Hanuman how the envoys have gone out. Sugriva sets out gladly with Angada and the others, Lakshmana in front, to where Raghunatha is.
सुनु हनुमन्त सङ्ग लेइ तारा । करि बिनती समुझाउ कुमारा ॥
तारा सहित जाइ हनुमाना । चरन बन्दि प्रभु सुजस बखाना ॥
sunu hanumanta saṅga lei tārā | kari binatī samujhāu kumārā ||
tārā sahita jāi hanumānā | carana bandi prabhu sujasa bakhānā ||
करि बिनती मन्दिर लेइ आये । चरन पखारि पलँग बैठाये ॥
तब कपीस चरनन्हि सिर नावा । गहि भुज लछिमन कंठ लगावा ॥
kari binatī mandira lei āye | carana pakhāri palam̐ga baiṭhāye ||
taba kapīsa carananhi sira nāvā | gahi bhuja lachimana kaṃṭha lagāvā ||
नाथ विषय सम मद कछु नाहीं । मुनि मन मोह करइ छन माहीं ॥
सुनत बिनीत बचन सुख पावा । लछिमन तेहि बहु विधि समुझावा ॥
nātha viṣaya sama mada kachu nāhīṃ | muni mana moha karai chana māhīṃ ||
sunata binīta bacana sukha pāvā | lachimana tehi bahu vidhi samujhāvā ||
पवन-तनय सब कथा सुनाई । जेहि बिधि गये दूत समुदाई ॥
pavana-tanaya saba kathā sunāī | jehi bidhi gaye dūta samudāī ||
हरषि चले सुग्रीव तब, अङ्गदादि कपि साथ ।
रामानुज आगें करि, आये जहँ रघुनाथ ॥
haraṣi cale sugrīva taba, aṅgadādi kapi sātha |
rāmānuja āgeṃ kari, āye jaham̐ raghunātha ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0