नारद कर मैं काह बिगारा । भवन मोर जिन्ह बसत उजारा ॥
अस उपदेस उमहिँ जिन्ह दीन्हा । बौरे बरहि लगि तप कीन्हा ॥
nārada kara maiṃ kāha bigārā | bhavana mora jinha basata ujārā ||
asa upadesa umahim̐ jinha dīnhā | baure barahi lagi tapa kīnhā ||
Bala Kanda
Chapter 97: Uma consoles her weeping mother
6 verses · 97 of 361
What happens in this chapter
Uma consoles her weeping mother
The women are distraught at the queen's grief. Maina laments: what harm did I do Narada, that he wrecked my home and set Uma on tapas for a mad groom? He has no attachment, no wealth, house or wife; a wrecker of others' homes has no shame, and what does a barren woman know of the pain of birth? Bhavani answers gently and wisely: mother, do not grieve; what the Creator writes cannot be avoided. If a mad husband is in my karma, why blame anyone? Do not take blame on yourself; whatever joy or sorrow is on my forehead, I will meet wherever I go. The women weep. Just then Himavan comes home with Narada and the seven rishis.
साचेहुँ उन्ह के मोह न माया । उदासीन धन धाम न जाया ॥
पर-घर-घालक लाज न भीरा । बाझँ कि जान प्रसव की पीरा ॥
sācehum̐ unha ke moha na māyā | udāsīna dhana dhāma na jāyā ||
para-ghara-ghālaka lāja na bhīrā | bājham̐ ki jāna prasava kī pīrā ||
जननिहि विकल बिलोकि भवानी । बोली जुत-बिबेक मृदु बानी ॥
अस बिचारि सोचहि मति माता । सो न टरइ जो रचइ विधाता ॥
jananihi vikala biloki bhavānī | bolī juta-bibeka mṛdu bānī ||
asa bicāri socahi mati mātā | so na ṭarai jo racai vidhātā ||
करम लिखा जौँ बाउर नाहू । तौ कत दोष लगाइअ काहू ॥
तुम्ह सन मिटहिँ कि विधि के अङ्का । मातु व्यर्थ जनि लेहु कलङ्का ॥
karama likhā jaum̐ bāura nāhū | tau kata doṣa lagāia kāhū ||
tumha sana miṭahim̐ ki vidhi ke aṅkā | mātu vyartha jani lehu kalaṅkā ||
जनि लेहु मातु कलङ्क करुना,-परिहरहु अवसर नहीँ ।
दुखु सुखु जो लिखा लिलार हमरें, जाब जहँ पाउब तहीँ ॥
सुनि उमा बचन बिनीत कोमल, सकल अबला सोचहीँ ।
बहु भाँति बिधिहि लगाइ दूषन, नयन बारि बिमोचहीं ॥
jani lehu mātu kalaṅka karunā,-pariharahu avasara nahīm̐ |
dukhu sukhu jo likhā lilāra hamareṃ, jāba jaham̐ pāuba tahīm̐ ||
suni umā bacana binīta komala, sakala abalā socahīm̐ |
bahu bhām̐ti bidhihi lagāi dūṣana, nayana bāri bimocahīṃ ||
तेहि अवसर नारद सहित, अरु रिषि-सप्त समेत ।
समाचार सुनि तुहिन-गिरि, गवने तुरत निकेत ॥
tehi avasara nārada sahita, aru riṣi-sapta sameta |
samācāra suni tuhina-giri, gavane turata niketa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0