लेइ अगवान बरातहि आये । दिये सबहि जनवास सुहाये ॥
मैनाँ सुभ आरती सँवारी । सङ्ग सुमङ्गल गावहिँ नारी ॥
lei agavāna barātahi āye | diye sabahi janavāsa suhāye ||
mainām̐ subha āratī sam̐vārī | saṅga sumaṅgala gāvahim̐ nārī ||
Bala Kanda
Chapter 96: Maina's anguish at the fearsome groom
6 verses · 96 of 361
What happens in this chapter
Maina's anguish at the fearsome groom
The procession is given fine lodgings. Maina prepares the arati while women sing, and sets out joyfully with a golden plate to welcome Hara. When the women see Rudra's fearsome form, they run into the house in terror. Heavy grief fills Maina's heart. She seats Girija in her lap, her eyes full of tears: how could the Creator who gave you such beauty give you a mad groom? The fruit due to a wishing tree is forced onto an acacia. She cries that she would rather leap with Uma from a mountain, burn in fire or drown in the sea; let the house be ruined and shamed, she will not give this marriage while she lives.
कञ्चन थार सोह बर पानी । परिछन चली हरहि हरषानी ॥
बिकट-बेष रुद्रहि जब देखा । अबलन्ह उर भय भयउ बिसेखा ॥
kañcana thāra soha bara pānī | parichana calī harahi haraṣānī ||
bikaṭa-beṣa rudrahi jaba dekhā | abalanha ura bhaya bhayau bisekhā ||
भागि भवन पैठीं अति त्रासा । गये महेस जहाँ जनवासा ॥
मैना हृदयँ भयउ दुख भारी । लीन्ही बोलि गिरीस-कुमारी ॥
bhāgi bhavana paiṭhīṃ ati trāsā | gaye mahesa jahām̐ janavāsā ||
mainā hṛdayam̐ bhayau dukha bhārī | līnhī boli girīsa-kumārī ||
अधिक सनेहँ गोद बैठारी । स्याम-सरोज नयन भरे बारी ॥
जेहिं बिधि तुम्हहिँ रूप अस दीन्हा । तेहिं जड़ बर बाउर कस कीन्हा ॥
adhika saneham̐ goda baiṭhārī | syāma-saroja nayana bhare bārī ||
jehiṃ bidhi tumhahim̐ rūpa asa dīnhā | tehiṃ jar̤a bara bāura kasa kīnhā ||
कस कीन्ह बर बौराह बिधि जेहिं, तुम्हहिँ सुन्दरता दई ।
जो फल चहिय सुरतरुहिं सो, बरबस बबूरहिं लागई ॥
तुम्ह सहित गिरि तेँ गिरौं पावक, जरौं जलनिधि महँ परौँ ।
घर जाउ अपजस होउ जग, जीवत बिबाह न हौँ करौँ ॥
kasa kīnha bara baurāha bidhi jehiṃ, tumhahim̐ sundaratā daī |
jo phala cahiya surataruhiṃ so, barabasa babūrahiṃ lāgaī ||
tumha sahita giri tem̐ girauṃ pāvaka, jarauṃ jalanidhi maham̐ paraum̐ |
ghara jāu apajasa hou jaga, jīvata bibāha na haum̐ karaum̐ ||
भई बिकल अबला सकल, दुखित देखि गिरि-नारि ।
करि बिलाप रोदति बदति, सुता सनेह सँभारि ॥
bhaī bikala abalā sakala, dukhita dekhi giri-nāri |
kari bilāpa rodati badati, sutā saneha sam̐bhāri ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0