जस दूलह तस बनी बराता । कौतुक बिबिध होहिँ मग जाता ॥
इहाँ हिमाचल रचेउ बिताना । अति बिचित्र नहिँ जाइ बखाना ॥
jasa dūlaha tasa banī barātā | kautuka bibidha hohim̐ maga jātā ||
ihām̐ himācala raceu bitānā | ati bicitra nahim̐ jāi bakhānā ||
Bala Kanda
Chapter 94: Himachal's city made ready
6 verses · 94 of 361
What happens in this chapter
Himachal's city made ready
The procession suits the groom, and marvels happen along the way. Meanwhile Himachal raises a wedding canopy too wonderful to describe. He invites every mountain in the world, small and great, and the forests, seas, rivers and lakes. Taking lovely forms at will, they come with their wives and retinues, singing with love, and he lodges each fittingly in houses made ready beforehand. Beside the beauty of the town, Brahma's skill seems small. Gardens, wells and rivers are lovely; arches and banners shine on every house; its handsome people charm even sages. How can one describe the city where Jagadamba was born? Riddhi, siddhi and every joy grow there daily.
सैल सकल जहँ लगि जग माहीँ । लघु बिसाल नहिँ बरनि सिराहीँ ॥
बन सागर सब नदीं तलावा । हिमगिरि सब कहँ नेवत पठावा ॥
saila sakala jaham̐ lagi jaga māhīm̐ | laghu bisāla nahim̐ barani sirāhīm̐ ||
bana sāgara saba nadīṃ talāvā | himagiri saba kaham̐ nevata paṭhāvā ||
कामरूप सुन्दर तनु धारी । सहित समाज सोह बर नारी ॥
आये सकल हिमाचल गेहा । गावहिँ मञ्जुर सहित सनेहा ॥
kāmarūpa sundara tanu dhārī | sahita samāja soha bara nārī ||
āye sakala himācala gehā | gāvahim̐ mañjura sahita sanehā ||
प्रथमहिँ गिरि बहु गृह सँवराये । जथाजोग जहँ तहँ सब छाये ॥
पुर-सोभा अवलोकि सुहाई । लागइ लघु बिरच्जि निपुनाई ॥
prathamahim̐ giri bahu gṛha sam̐varāye | jathājoga jaham̐ taham̐ saba chāye ||
pura-sobhā avaloki suhāī | lāgai laghu biracji nipunāī ||
लघु लागि बिधि की निपुनता, अवलोकि पुर सोभा सही ।
बन बाग कूप तड़ाग सरिता, सुभग सब सक को कही ॥
मङ्गल बिपुल तोरन पताका, केतु गृह गृह सोहहीँ ।
बनिता पुरुष सुन्दर चतुर छबि,-देखि मुनि मन मोहहीँ ॥
laghu lāgi bidhi kī nipunatā, avaloki pura sobhā sahī |
bana bāga kūpa tar̤āga saritā, subhaga saba saka ko kahī ||
maṅgala bipula torana patākā, ketu gṛha gṛha sohahīm̐ |
banitā puruṣa sundara catura chabi,-dekhi muni mana mohahīm̐ ||
जगदम्बा जहँ अवतरी, सो पुर बरनि कि जाइ ।
रिधि सिधि सम्पति सकल सुख, नित नूतन अधिकाइ ॥
jagadambā jaham̐ avatarī, so pura barani ki jāi |
ridhi sidhi sampati sakala sukha, nita nūtana adhikāi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0