बर अनुहारि बरात न भाई । हँसी करैहहु पर पुर जाई ॥
बिष्नु बचन सुनि सुर मुसुकाने । निज निज सेन सहित बिलगाने ॥
bara anuhāri barāta na bhāī | ham̐sī karaihahu para pura jāī ||
biṣnu bacana suni sura musukāne | nija nija sena sahita bilagāne ||
Bala Kanda
Chapter 93: Shiva's own ganas join the procession
6 verses · 93 of 361
What happens in this chapter
Shiva's own ganas join the procession
Vishnu jokes that a procession unlike the groom will be laughed at in a strange town. The devas smile and draw apart. Mahesha smiles inwardly at Hari's teasing and, pleased by his dear one's words, has Bhringi summon all his ganas. They come and bow at his lotus feet, and Shiva laughs to see them on every kind of mount and in every kind of dress. Some have no face, some many; some lack limbs, some have many; some have many eyes, some none; some are stout, some thin. They carry skulls, are smeared with fresh blood, have faces of donkeys, dogs, boars and jackals: pretas, pishachas and yoginis beyond counting, dancing and singing in wild glee.
मनहीँ मन महेस मुसुकाहीँ । हरि के बिंग्य बचन नहिँ जाहीं ॥
अति प्रिय बचन सुनत प्रिय केरे । भृङ्गिहि-प्रेरि सकल गन टेरे ॥
manahīm̐ mana mahesa musukāhīm̐ | hari ke biṃgya bacana nahim̐ jāhīṃ ||
ati priya bacana sunata priya kere | bhṛṅgihi-preri sakala gana ṭere ||
सिव अनुसासन सुनि सब आये । प्रभु-पद-जलज सीस तिन्ह नाये ॥
नाना-बाहन नाना-बेखा । बिहसे सिव समाज निज देखा ॥
siva anusāsana suni saba āye | prabhu-pada-jalaja sīsa tinha nāye ||
nānā-bāhana nānā-bekhā | bihase siva samāja nija dekhā ||
कोउ मुख-हीन बिपुल-मुख काहू । बिनु-पद-कर कोउ बहु-पद-बाहू ॥
बिपुल-नयन कोउ नयन-बिहीना । रिष्ट-पुष्ट कोउ अति तन खीना ॥
kou mukha-hīna bipula-mukha kāhū | binu-pada-kara kou bahu-pada-bāhū ||
bipula-nayana kou nayana-bihīnā | riṣṭa-puṣṭa kou ati tana khīnā ||
तन-खीन कोउ अति-पीन पावन, कोउ अपावन गति धरें ।
भूषन कराल कपाल कर सब, सद्य सोनित तन भरें ॥
खर-स्वान-सुअर-सृकाल-मुख गन, बेष अगनित को गनै ।
बहु जिनस प्रेत-पिसाच-जोगि-जमात बरनत नहिँ बनै ॥
tana-khīna kou ati-pīna pāvana, kou apāvana gati dhareṃ |
bhūṣana karāla kapāla kara saba, sadya sonita tana bhareṃ ||
khara-svāna-suara-sṛkāla-mukha gana, beṣa aganita ko ganai |
bahu jinasa preta-pisāca-jogi-jamāta baranata nahim̐ banai ||
नाचहिँ गावहिँ गीत, परम तरङ्गी भूत सब ।
देखत अति बिपरीत, बोलहिँ बचन विचित्र विधि ॥
nācahim̐ gāvahim̐ gīta, parama taraṅgī bhūta saba |
dekhata ati biparīta, bolahim̐ bacana vicitra vidhi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0