आकर चारि लाख चौरासी । जाति जीव जल-थल-नभ-वासी ॥
सीय-राम-मय सब जग जानी । करउँ प्रनाम जोरि जुग पानी ॥
ākara cāri lākha caurāsī | jāti jīva jala-thala-nabha-vāsī ||
sīya-rāma-maya saba jaga jānī | karaum̐ pranāma jori juga pānī ||
Bala Kanda
Chapter 8: The poet's humble plea to all
8 verses · 8 of 361
What happens in this chapter
The poet's humble plea to all
Seeing all eighty-four lakh kinds of beings in water, land and sky as full of Sita and Rama, Tulsidas folds his hands to them. He asks them to treat him as their servant and love him without guile, for he has no trust in his own wit. He wants to sing Raghupati's deeds, but his mind is small and the deeds are deep, like one who longs for nectar and cannot find even buttermilk. The good will forgive his boldness and listen as parents delight in a child's lisping. The crooked will laugh, those who wear others' faults as ornaments. The doha sums it up: small fortune, large longing, one trust. The good will be glad, and the wicked will mock.
जानि कृपाकर किङ्कर मोहू । सब मिलि करहु छाड़ि छल छोहू ॥
निज बुधि बल भरोस मोहि नाहीँ । ता तें बिनय करउँ सब पाहीं ॥
jāni kṛpākara kiṅkara mohū | saba mili karahu chār̤i chala chohū ||
nija budhi bala bharosa mohi nāhīm̐ | tā teṃ binaya karaum̐ saba pāhīṃ ||
करन चहउँ रघुपति-गुन-गाहा । लघु-मति-मोरि चरित अवगाहा ॥
सूझ न एकउ अङ्ग उपाऊ । मन-मति-रङ्क मनोरथ राऊ ॥
karana cahaum̐ raghupati-guna-gāhā | laghu-mati-mori carita avagāhā ||
sūjha na ekau aṅga upāū | mana-mati-raṅka manoratha rāū ||
मति अति नीच ऊँचि रुचि आछी । चहिय अमिय जग जुरइ न छाछी ॥
छमिहहिँ सज्जन मोरि ढिठाई । सुनिहहिँ बाल बचन मन लाई ॥
mati ati nīca ūm̐ci ruci āchī | cahiya amiya jaga jurai na chāchī ||
chamihahim̐ sajjana mori ḍhiṭhāī | sunihahim̐ bāla bacana mana lāī ||
जौं बालक कह तोतरि बाता । सुनहिँ मुदित मन पितु अरु माता ॥
हँसिहहिँ कूर कुटिल कुबिचारी । जे पर-दूषन भूषन-धारी ॥
jauṃ bālaka kaha totari bātā | sunahim̐ mudita mana pitu aru mātā ||
ham̐sihahim̐ kūra kuṭila kubicārī | je para-dūṣana bhūṣana-dhārī ||
निज कवित केहि लाग न नीका । सरस होउ अथवा अति फीका ॥
जे पर-भनिति सुनत हरषाहीं । ते बर पुरुष बहुत जग नाहीँ ॥
nija kavita kehi lāga na nīkā | sarasa hou athavā ati phīkā ||
je para-bhaniti sunata haraṣāhīṃ | te bara puruṣa bahuta jaga nāhīm̐ ||
जग बहु नर सर सरि सर सम भाई । जे निज बाढ़ि बढ़हिँ जल पाई ॥
सज्जन सकृत सिन्धु सम कोई । देखि पूर बिधु बाढ़इ जोई ॥
jaga bahu nara sara sari sara sama bhāī | je nija bār̤hi bar̤hahim̐ jala pāī ||
sajjana sakṛta sindhu sama koī | dekhi pūra bidhu bār̤hai joī ||
भाग छोट अभिलाष बड़, करउँ एक बिस्वास ।
पैहहिं सुख सुनि सुजन जन, खल करिहहिँ उपहास ॥
bhāga choṭa abhilāṣa bar̤a, karaum̐ eka bisvāsa |
paihahiṃ sukha suni sujana jana, khala karihahim̐ upahāsa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0