अस बिबेक जब देइ बिधाता । तब तजि दोष गुनहिं मन राता ॥
काल सुभाउ करम बरिआई । भलेउ प्रकृति-बस चुकइ भलाई ॥
asa bibeka jaba dei bidhātā | taba taji doṣa gunahiṃ mana rātā ||
kāla subhāu karama bariāī | bhaleu prakṛti-basa cukai bhalāī ||
Bala Kanda
Chapter 7: Company shapes all; all is Rama
10 verses · 7 of 361
What happens in this chapter
Company shapes all; all is Rama
When the Creator grants discernment, the mind leaves faults and loves virtue, yet time, nature and karma can make even the good slip, and Hari's devotees set them right. The wicked may act well in good company, but their nature stays. A cheat in holy dress is honoured until exposed, like Kalanemi, Ravana and Rahu, while saints in rough form, like Jambavan and Hanuman, are honoured too. Dust rises with the wind and sinks into mud with water. A parrot in a saint's house repeats Rama's name, in a rogue's house abuse. Smoke turns to soot, yet as ink it writes Puranas. Company makes things good or bad. Tulsidas ends by seeing the whole world as filled with Rama and bowing to every being.
सो सुधारि हरिजन जिमि लेहीँ । दलि दुख दोष बिमल जस देहीं ॥
खलउ करहिँ अल पाइ सुसंगू । मिटइ न मलिन सुभाउ अभङ्गू ॥
so sudhāri harijana jimi lehīm̐ | dali dukha doṣa bimala jasa dehīṃ ||
khalau karahim̐ ala pāi susaṃgū | miṭai na malina subhāu abhaṅgū ||
लखि सुबेष जग बञ्चक जेऊ । बेष प्रताप पूजिअहिं तेऊ ॥
उधरहिं अन्त न होइ निबाहू । कालनेमि जिमि रावन राहू ॥
lakhi subeṣa jaga bañcaka jeū | beṣa pratāpa pūjiahiṃ teū ||
udharahiṃ anta na hoi nibāhū | kālanemi jimi rāvana rāhū ||
किएहुँ कुबेष साधु सनमानू । जिमि जग जामवन्त हनुमानू ॥
हानि-कुसङ्ग सुसङ्गति-लाहू । लोकहु बेद बिदित सब काहू ॥
kiehum̐ kubeṣa sādhu sanamānū | jimi jaga jāmavanta hanumānū ||
hāni-kusaṅga susaṅgati-lāhū | lokahu beda bidita saba kāhū ||
गगन चढ़इ रज पवन प्रसङ्गा । कीचहिं मिलइ नीच जल सङ्गा ॥
साधु-असाधु-सदन सुक सारीं । सुमिरहिं राम देहिँ गनि गारी ॥
gagana car̤hai raja pavana prasaṅgā | kīcahiṃ milai nīca jala saṅgā ||
sādhu-asādhu-sadana suka sārīṃ | sumirahiṃ rāma dehim̐ gani gārī ||
धूम कुसङ्गति कारिख होई । लिखिअ पुरान मज्जु मसि सोई ॥
सोइ जल अनल अनिल सङ्घाता । होइ जलद जग-जीवन-दाता ॥
dhūma kusaṅgati kārikha hoī | likhia purāna majju masi soī ||
soi jala anala anila saṅghātā | hoi jalada jaga-jīvana-dātā ||
ग्रह भेषज जल पवन पट, पाइ कुजोग सुजोग ।
होहिं कुबस्तु सुबस्तु जग, लखहिँ सुलच्छन लोग ॥
graha bheṣaja jala pavana paṭa, pāi kujoga sujoga |
hohiṃ kubastu subastu jaga, lakhahim̐ sulacchana loga ||
सम प्रकास तम पाख दुहुँ, नाम भेद बिधि कीन्ह ।
ससि सोषक पोषक समुझि, जग जस अपजस दीन्ह ॥
sama prakāsa tama pākha duhum̐, nāma bheda bidhi kīnha |
sasi soṣaka poṣaka samujhi, jaga jasa apajasa dīnha ||
जड़ चेतन जग जीव जत, सकल राम-मय जानि ।
बन्दउँ सब के पद-कमल, सदा जोरि जुग पानि ॥
jar̤a cetana jaga jīva jata, sakala rāma-maya jāni |
bandaum̐ saba ke pada-kamala, sadā jori juga pāni ||
देव दनुज नर नाग खग, प्रेत पितर गन्धर्व ।
बन्दउँ किन्नर रजनिचर, कृपा करहु अब सर्व ॥
deva danuja nara nāga khaga, preta pitara gandharva |
bandaum̐ kinnara rajanicara, kṛpā karahu aba sarva ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0