मैं सङ्कर कर कहा न माना । निज अज्ञान राम पर आना ॥
जाइ उतर अब देहउँ काहा । उर उपजा अति दारुन-दाहा ॥
maiṃ saṅkara kara kahā na mānā | nija ajñāna rāma para ānā ||
jāi utara aba dehaum̐ kāhā | ura upajā ati dāruna-dāhā ||
Bala Kanda
Chapter 54: Sati sees countless Ramas and gods
5 verses · 54 of 361
What happens in this chapter
Sati sees countless Ramas and gods
Sati thinks: I did not heed Shankar and laid my ignorance on Rama; what answer will I give now? A terrible burning rises in her. Rama, knowing her grief, reveals a little of his power. On the path she sees Rama ahead with Sita and his brother, then turns and sees him behind as well. Wherever she looks the Lord is seated, served by siddhas and sages. She sees many Shivas, Brahmas and Vishnus, each of boundless power, bowing at his feet, and all the gods in many forms. The doha: she sees countless matchless Satis, Brahmanis and Lakshmis, each in a form matching the god beside her.
जाना राम सतीं दुख पावा । निज प्रभाउ कछु प्रगटि जनावा ॥
सतीं दीख कौतुक मग जाता । आगें राम सहित श्री भ्राता ॥
jānā rāma satīṃ dukha pāvā | nija prabhāu kachu pragaṭi janāvā ||
satīṃ dīkha kautuka maga jātā | āgeṃ rāma sahita śrī bhrātā ||
फिरि चितवा पाछें प्रभु देखा । सहित बन्धु सिय सुन्दर बेखा ॥
जहँ चितवहिँ तहँ प्रभु आसीना । सेवहिँ सिद्ध मुनीस प्रबीना ॥
phiri citavā pācheṃ prabhu dekhā | sahita bandhu siya sundara bekhā ||
jaham̐ citavahim̐ taham̐ prabhu āsīnā | sevahim̐ siddha munīsa prabīnā ||
देखे सिव बिधि बिष्नु अनेका । अमित प्रभाउ एक तेँ एका ॥
बन्दत चरन करत प्रभु सेवा । बिबिध बेष देखे सब देवा ॥
dekhe siva bidhi biṣnu anekā | amita prabhāu eka tem̐ ekā ||
bandata carana karata prabhu sevā | bibidha beṣa dekhe saba devā ||
सती बिधात्री इन्दिरा, देखीं अमित अनूप ।
जेहिं जेहिं बेष अज़ादि सुर, तेहि तेहि तनु अनुरूप ॥
satī bidhātrī indirā, dekhīṃ amita anūpa |
jehiṃ jehiṃ beṣa azādi sura, tehi tehi tanu anurūpa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0