बिष्नु जो सुर-हित नर-तनु-धारी । सोउ सरबज्ञ जथा त्रिपुरारी ॥
खोजइ सो कि अज्ञ इव नारी । ज्ञान-धाम श्रीपति असुरारी ॥
biṣnu jo sura-hita nara-tanu-dhārī | sou sarabajña jathā tripurārī ||
khojai so ki ajña iva nārī | jñāna-dhāma śrīpati asurārī ||
Bala Kanda
Chapter 51: Shiva names Rama his chosen deity
6 verses · 51 of 361
What happens in this chapter
Shiva names Rama his chosen deity
Sati reasons further: even Vishnu in human form would be all-knowing; would the lord of Shri search for a woman like one who knows nothing? Yet Shambhu's word is never false. Boundless doubt grips her. She says nothing aloud, but Hara, who knows every heart, knows. Listen, Sati, he says; do not keep such a doubt, as is a woman's nature. He whose katha Agastya sang is my own chosen deity, Raghubir. The chhand: he on whom yogis meditate, whom the Vedas praise as neti, Rama, all-pervading Brahman and master of maya, has descended for his devotees as the jewel of the Raghu line. The soratha: the teaching does not enter her heart, and Mahesh, knowing Hari's maya, smiles.
सम्भु गिरा पुनि मृषा न होई । सिव सरबज्ञ जान सब कोई ॥
अस संसय मन भयउ अपारा । होइ न हृदयँ प्रबोध प्रचारा ॥
sambhu girā puni mṛṣā na hoī | siva sarabajña jāna saba koī ||
asa saṃsaya mana bhayau apārā | hoi na hṛdayam̐ prabodha pracārā ||
जद्यपि प्रगट न कहेउ भवानी । हर अन्तरजामी सब जानी ॥
सुनहु सती तव नारि सुभाऊ । संसय अस न धरिय उर काऊ ॥
jadyapi pragaṭa na kaheu bhavānī | hara antarajāmī saba jānī ||
sunahu satī tava nāri subhāū | saṃsaya asa na dhariya ura kāū ||
जासु कथा कुम्भज रिषि गाई । भगति जासु मैं मुनिहिँ सुनाई ॥
सोइ मम इष्टदेव रघुबीरा । सेवत जाहि सदा मुनि धीरा ॥
jāsu kathā kumbhaja riṣi gāī | bhagati jāsu maiṃ munihim̐ sunāī ||
soi mama iṣṭadeva raghubīrā | sevata jāhi sadā muni dhīrā ||
मुनि धीर जोगी सिद्ध सन्तत, बिमल मन जेहि ध्यावहीं ।
कहि नेति निगम पुरान आगम, जासु कीरति गावहीं ॥
सोइ राम व्यापक ब्रह्म भुवन-निकाय-पति माया धनी ।
अवतरेउ अपने भगत-हित निजतन्त्र नित रघुकुल-मनी ॥
muni dhīra jogī siddha santata, bimala mana jehi dhyāvahīṃ |
kahi neti nigama purāna āgama, jāsu kīrati gāvahīṃ ||
soi rāma vyāpaka brahma bhuvana-nikāya-pati māyā dhanī |
avatareu apane bhagata-hita nijatantra nita raghukula-manī ||
लाग न उर उपदेस, जदपि कहेउ सिवँ बार बहु ।
बोले बिहँसि महेस, हरि-माया-बल जानि जियँ ॥
lāga na ura upadesa, jadapi kaheu sivam̐ bāra bahu |
bole biham̐si mahesa, hari-māyā-bala jāni jiyam̐ ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0