एक बार त्रेता जुग माहीं । सम्भु गये कुम्भज रिषि पाहीं ॥
सङ्ग सती जगजननि भवानी । पूजे रिषि अखिलेस्वर जानी ॥
eka bāra tretā juga māhīṃ | sambhu gaye kumbhaja riṣi pāhīṃ ||
saṅga satī jagajanani bhavānī | pūje riṣi akhilesvara jānī ||
Bala Kanda
Chapter 48: Shiva and Sati at Agastya's ashram
6 verses · 48 of 361
What happens in this chapter
Shiva and Sati at Agastya's ashram
Once in the Treta age Shambhu went with Sati to the rishi Agastya, who worshipped him as lord of all. The sage told Rama's katha and Mahesh heard it with joy; asked about devotion to Hari, Shambhu explained it. After some days the lord of the mountain set out for home with Daksha's daughter. At that time Hari had descended in the Raghu line to lift the earth's burden and, leaving the kingdom at his father's word, was wandering the Dandaka forest. The sorathas: Hara wonders how to see him, for the Lord has come in hidden form and an open visit would reveal him. His heart is in turmoil, Sati does not know the secret, and his eyes long for the sight.
रामकथा मुनिबर्ज बखानी । सुनी महेस परम सुख मानी ॥
रिषि पूछी हरिभगति सुहाई । कही सम्भु अधिकारी पाई ॥
rāmakathā munibarja bakhānī | sunī mahesa parama sukha mānī ||
riṣi pūchī haribhagati suhāī | kahī sambhu adhikārī pāī ||
कहत सुनत रघुपति-गुन-गाथा । कछु दिन तहाँ रहे गिरिनाथा ॥
मुनि सन बिदा माँगि त्रिपुरारी । चले भवन सँग दच्छकुमारी ॥
kahata sunata raghupati-guna-gāthā | kachu dina tahām̐ rahe girināthā ||
muni sana bidā mām̐gi tripurārī | cale bhavana sam̐ga dacchakumārī ||
तेहि अवसर भञ्जन महिभारा । हरि रघुबंस लीन्ह अवतारा ॥
पिता बचन तजि राज उदासी । दंडक बन बिचरत अबिनासी ॥
tehi avasara bhañjana mahibhārā | hari raghubaṃsa līnha avatārā ||
pitā bacana taji rāja udāsī | daṃḍaka bana bicarata abināsī ||
ह्दयँ विचारत जात हर, केहि बिधि दरसन होइ ।
गुपुत-रूप अवतरेउ प्रभु, गये जान सब कोई ॥
hdayam̐ vicārata jāta hara, kehi bidhi darasana hoi |
guputa-rūpa avatareu prabhu, gaye jāna saba koī ||
सङ्कर उर अति छोभु, सती न जानइ मरम सोइ ।
तुलसी दरसन लोभ, मन डर लोचन लालची ॥
saṅkara ura ati chobhu, satī na jānai marama soi |
tulasī darasana lobha, mana ḍara locana lālacī ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0