कीन्ह प्रस्न जेहि भाँति भवानी । जेहि विधि सङ्कर कहा बखानी ॥
सो सब हेतु कहब मैं गाई । कथा प्रबन्ध विचित्र बनाई ॥
kīnha prasna jehi bhām̐ti bhavānī | jehi vidhi saṅkara kahā bakhānī ||
so saba hetu kahaba maiṃ gāī | kathā prabandha vicitra banāī ||
Bala Kanda
Chapter 33: No wonder: Rama's katha is endless
5 verses · 33 of 361
What happens in this chapter
No wonder: Rama's katha is endless
Tulsidas will sing, in a varied telling, how Bhavani asked and how Shankar answered at length, with the reasons behind it. Whoever has not heard this katha should not be surprised. The wise do not wonder, for they know Rama's katha has no limit. Rama has descended in many ways, and the Ramayanas number a hundred crore. In different kalpas the sages have sung Hari's deeds differently. So one should not doubt, but hear with respect and love. The doha: Rama is endless, his virtues endless and his katha immeasurable; those of clear thought will feel no surprise.
जेहि यह कथा सुनी नहिं होई । जनि आचरज करइ सुनि सोई ॥
कथा अलौकिक सुनहिँ जे ज्ञानी । नहिँ आचरज करहिं अस जानी ॥
jehi yaha kathā sunī nahiṃ hoī | jani ācaraja karai suni soī ||
kathā alaukika sunahim̐ je jñānī | nahim̐ ācaraja karahiṃ asa jānī ||
राम कथाकै मिति जग नाहीँ । अस प्रतीति तिन्ह के मन माहीँ ॥
नाना भाँति राम अवतारा । रामायन सत कोटि अपारा ॥
rāma kathākai miti jaga nāhīm̐ | asa pratīti tinha ke mana māhīm̐ ||
nānā bhām̐ti rāma avatārā | rāmāyana sata koṭi apārā ||
कलपभेद हरिचरित सुहाये । भाँति अनेक मुनीसन्ह गाये ॥
करिय न संसय अस उर आनी । सुनिय कथा सादर रति मानी ॥
kalapabheda haricarita suhāye | bhām̐ti aneka munīsanha gāye ||
kariya na saṃsaya asa ura ānī | suniya kathā sādara rati mānī ||
राम अनन्त अनन्त गुन, अमित कथा विस्तार ।
सुनि आचरज न मानिहहिँ, जिन्ह कें बिमल विचार ॥
rāma ananta ananta guna, amita kathā vistāra |
suni ācaraja na mānihahim̐, jinha keṃ bimala vicāra ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0