तदपि कही गुर बारहिँ बारा । समुझि परी कछु मति अनुसारा ॥
भाषाबद्ध करब मैं सोई । मोरें मन प्रबोध जेहिं होई ॥
tadapi kahī gura bārahim̐ bārā | samujhi parī kachu mati anusārā ||
bhāṣābaddha karaba maiṃ soī | moreṃ mana prabodha jehiṃ hoī ||
Bala Kanda
Chapter 31: What Rama's katha is like
8 verses · 31 of 361
What happens in this chapter
What Rama's katha is like
Still, the guru told it again and again, and Tulsidas grasped a little. That he will set in bhasha to teach his own mind, as far as his wit allows and as Hari prompts from within, a katha that clears his doubt and is a boat across the river of becoming. A garland of likenesses follows. Rama's katha is rest for the wise, a peahen for the serpents of Kali, the kindling stick for the fire of discernment, a wish-giving cow, a life-giving herb, nectar flowing on earth. It is Kashi for liberation, tulsi dear to Rama, and to Tulsidas like Hulsi, his own mother. The doha: the katha is the Mandakini and the pure mind is Chitrakoot.
जस कछु बुधि-बिबेक-बल मेरें । तस कहिहउँ हियँ हरि के प्रेरें ॥
निज सन्देह-मोह-भ्रम-हरनी । करउँ कथा भव-सरिता-तरनी ॥
jasa kachu budhi-bibeka-bala mereṃ | tasa kahihaum̐ hiyam̐ hari ke prereṃ ||
nija sandeha-moha-bhrama-haranī | karaum̐ kathā bhava-saritā-taranī ||
बुध-बिस्राम सकल-जन-रञ्जनि । राम-कथा कलि-कलुष-बिभञ्जनि ॥
रामकथा-कलि-पंनग-भरनी । पुनि बिबेक-पावक कहँ अरनी ॥
budha-bisrāma sakala-jana-rañjani | rāma-kathā kali-kaluṣa-bibhañjani ||
rāmakathā-kali-paṃnaga-bharanī | puni bibeka-pāvaka kaham̐ aranī ||
रामकथा कलि कामद गाई । सुजन सजीवनि मूरि सुहाई ॥
सोइ बसुधातल सुधा तरङ्गिनि । भय भञ्जनि भ्रम भेक भुअङ्गिनि ॥
rāmakathā kali kāmada gāī | sujana sajīvani mūri suhāī ||
soi basudhātala sudhā taraṅgini | bhaya bhañjani bhrama bheka bhuaṅgini ||
असुर सेन सम नरक निकन्दिनि । साधु बिबुध कुल हित गिरिनन्दिनि ॥
सन्त समाज पयोधि रमा सी । बिस्व भार भर अचल छमा सी ॥
asura sena sama naraka nikandini | sādhu bibudha kula hita girinandini ||
santa samāja payodhi ramā sī | bisva bhāra bhara acala chamā sī ||
जम गन मुहँ मसि जग जमुना सी । जीवन मुकुति हेतु जनु कासी ॥
रामहि प्रिय पावनि तुलसी सी । तुलसिदास हित हियँ हुलसी सी ॥
jama gana muham̐ masi jaga jamunā sī | jīvana mukuti hetu janu kāsī ||
rāmahi priya pāvani tulasī sī | tulasidāsa hita hiyam̐ hulasī sī ||
सिव प्रिय मेकल सैल सुता सी । सकल सिद्धि सुख सम्पति रासी ॥
सदगुन सुरगन अम्ब अदिति सी । रघुवर भगति प्रेम परमिति सी ॥
siva priya mekala saila sutā sī | sakala siddhi sukha sampati rāsī ||
sadaguna suragana amba aditi sī | raghuvara bhagati prema paramiti sī ||
रामकथा मन्दाकिनी, चित्रकूट चित चारु ।
तुलसी सुभग सनेह बन, सिय रघुबीर बिहारु ॥
rāmakathā mandākinī, citrakūṭa cita cāru |
tulasī subhaga saneha bana, siya raghubīra bihāru ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0