7 verses · 29 of 361
Tulsidas calls his boldness a great fault; hearing his sins, even hell would wrinkle its nose. Yet Rama never gave his fear a thought and praised his devotion. A fault confessed is gone if the heart is good, for Rama knows the devotee's heart. The Lord keeps no one's slip in mind but remembers their goodness a hundred times. For the very sin he killed Vali for, Sugriva later did wrong, and Vibhishana too, yet Rama never looked at it, honoured them on meeting Bharata and praised them in court. The dohas: the Lord sat under the tree and the monkeys on the branches, yet he made them his equals. No master is as gracious as Rama.
अति बड़ि मोरि ढिठाई खोरी । सुनि अघ नरकहुँ नाक सकोरी ॥
समुझि सहम मोहि अपडर अपनें । सो सुधि राम कीन्ह नहिं सपनें ॥
ati bar̤i mori ḍhiṭhāī khorī | suni agha narakahum̐ nāka sakorī ||
samujhi sahama mohi apaḍara apaneṃ | so sudhi rāma kīnha nahiṃ sapaneṃ ||
सुनि अवलोकि सुचित चख चाही । भगति मोरि मति स्वामि सराही ॥
कहत नसाइ होइ हियँ नीकी । रीझत राम जानि जन जी की ॥
suni avaloki sucita cakha cāhī | bhagati mori mati svāmi sarāhī ||
kahata nasāi hoi hiyam̐ nīkī | rījhata rāma jāni jana jī kī ||
रहति न प्रभु चित चूक किये की । करत सुरति सय बार हिये की ॥
जेहिं अघ बधेउ ब्याध इव बाली । फिरि सुकंठ सोइ कीन्हि कुचाली ॥
rahati na prabhu cita cūka kiye kī | karata surati saya bāra hiye kī ||
jehiṃ agha badheu byādha iva bālī | phiri sukaṃṭha soi kīnhi kucālī ||
सोइ करतूति बिभीषन केरी । सपनेहुँ सो न राम हियँ हेरी ॥
ते भरतहि भेँटत सनमाने । राज-सभा रघुबीर बखाने ॥
soi karatūti bibhīṣana kerī | sapanehum̐ so na rāma hiyam̐ herī ||
te bharatahi bhem̐ṭata sanamāne | rāja-sabhā raghubīra bakhāne ||
प्रभु तरु तर कपि डार पर, ते किए आपु समान ।
तुलसी कहूँ न राम से, साहिब सील-निधान ॥
prabhu taru tara kapi ḍāra para, te kie āpu samāna |
tulasī kahūm̐ na rāma se, sāhiba sīla-nidhāna ||
राम निकाईं रावरी, है सबही को नीक ।
जौं यह साँची है सदा, तौ नीको तुलसीक ॥
rāma nikāīṃ rāvarī, hai sabahī ko nīka |
jauṃ yaha sām̐cī hai sadā, tau nīko tulasīka ||
एहि बिधि निज गुन दोष कहि, सबहि बहुरि सिर नाइ ।
बरनउँ रघुबर-बिसद-जस, सुनि कलि कलुष नसाइ ॥
ehi bidhi nija guna doṣa kahi, sabahi bahuri sira nāi |
baranaum̐ raghubara-bisada-jasa, suni kali kaluṣa nasāi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
