भायँ कुभायँ अनख आलसहूँ । नाम जपत मङ्गल दिसि दसहूँ ॥
सुमिरि सो नाम राम गुन गाथा । करउँ नाइ रघुनाथहि माथा ॥
bhāyam̐ kubhāyam̐ anakha ālasahūm̐ | nāma japata maṅgala disi dasahūm̐ ||
sumiri so nāma rāma guna gāthā | karaum̐ nāi raghunāthahi māthā ||
Bala Kanda
Chapter 28: A poor servant, a kind master
8 verses · 28 of 361
What happens in this chapter
A poor servant, a kind master
Chanted with love or without, in anger or idleness, the name spreads blessing everywhere. Remembering it, Tulsidas bows to Raghunath and begins. He trusts the Lord, whose grace never tires, to set all right. Rama is a good master and Tulsi a bad servant, yet the kind one looks to his own nature and keeps him. Rich and poor, scholar and fool all praise a king, and a good king, born of a portion of the divine, honours each by seeing their devotion. If an earthly king does so, Rama, crest jewel of the wise, is pleased by pure love. The dohas: the master who made stones float and bears his ministers has Tulsidas for servant.
मोरि सुधारिहि सो सब भाँती । जासु कृपा नहिँ कृपाँ अघाती ॥
राम सुस्वामि कुसेवक मो सो । निज दिसि देखि दयानिधि पोसो ॥
mori sudhārihi so saba bhām̐tī | jāsu kṛpā nahim̐ kṛpām̐ aghātī ||
rāma susvāmi kusevaka mo so | nija disi dekhi dayānidhi poso ||
लोकहु बेद सुसाहिब रीतीं । बिनय सुनत पहिचानत प्रीती ॥
गनी गरीब ग्राम नर नागर । पंडित मूढ़ मलीन उजागर ॥
lokahu beda susāhiba rītīṃ | binaya sunata pahicānata prītī ||
ganī garība grāma nara nāgara | paṃḍita mūr̤ha malīna ujāgara ||
सुकबि कुकबि निज-मति-अनुहारी । नृपहि सराहत सब नर नारी ॥
साधु सुजान सुसील नृपाला । ईस-अंस-भव परम कृपाला ॥
sukabi kukabi nija-mati-anuhārī | nṛpahi sarāhata saba nara nārī ||
sādhu sujāna susīla nṛpālā | īsa-aṃsa-bhava parama kṛpālā ||
सुनि सनमानहिँ सबहि सुबानी । भनिति भगति नति गति पहिचानी ॥
यह प्राकृत महिपाल सुभाऊ । जान-सिरोमनि कोसलराऊ ॥
suni sanamānahim̐ sabahi subānī | bhaniti bhagati nati gati pahicānī ||
yaha prākṛta mahipāla subhāū | jāna-siromani kosalarāū ||
रीझत राम सनेह निसोतें । को जग मन्द मलिन-मन मो ते ॥
rījhata rāma saneha nisoteṃ | ko jaga manda malina-mana mo te ||
सठ सेवक की प्रीति रुचि, रखिहहिँ राम कृपालु ।
उपल किये जलजान जेहिं, सचिव सुमति कपि भालु ॥
saṭha sevaka kī prīti ruci, rakhihahim̐ rāma kṛpālu |
upala kiye jalajāna jehiṃ, saciva sumati kapi bhālu ||
हौहु कहावत सब कहत, राम सहत उपहास ।
साहिब सीतानाथ से, सेवक तुलसीदास ॥
hauhu kahāvata saba kahata, rāma sahata upahāsa |
sāhiba sītānātha se, sevaka tulasīdāsa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0